Идет загрузка...
Сегодня:  Пятница, 29 Марта, 2024 года

Статьи

Ֆրանսիացիները ցնցված են. Գինու համտեսման աշխարհի առաջնությունում չինացիներն են հաղթել

18:08, Воскресенье, 09 Октября, 2016 года
Ֆրանսիացիները ցնցված են. Գինու համտեսման աշխարհի առաջնությունում չինացիներն են հաղթել

Ֆրանսիայի հարավում տեղի է ունեցել գինու կույր համտեսման աշխարհի առաջնությունը: Առաջնությունը Լա-Լոնդ-լո-Մոր քաղաքում՝ Գալուպե ամրոցում կազմակերպել էր «Ֆրանսիայի գինիներ» ամսագիրը: Մրցապայքարում հաղթել են Չինաստանի ներկայացուցիչները՝ առաջ անցնելով Ֆրանսիայի ներկայացուցիչներից, որոնք գրավել են երկրորդ տեղը, եւ ԱՄՆ-ից՝ երրորդ տեղը: Այս մասին հայտնում է RFI-ն:

Ինչպես հայտարարել են կազմակերպիչները, այս հաղթանակը աշխարհի գինեգործների վրա «պարզ երկնքում ամպրոպի տպավորություն է թողել»: Չնայած կազմակերպիչներն ասում են, որ ուղղակի հաղթողի բախտը բերել է, եւ որ իր հաղթանակի 50 տոկոսի համար է նա պարտական գիտելիքներին, իսկ մյուս կեսի համար՝ հաջողությանը:

Առաջնությանը 21 թիմ է մասնակցել: Բելգիայի հավաքականը, որն անցյալ տարի երկրորդ տեղն էր գրավել, այս տաի միայն չորրորդն է, իսկ անցյալ տարվա աշխարհի չեմպիոն իսպանացիները՝ 10-րդն են:

Մասնակիցները պետք է որոշեին գինու (երկրի) ծագումը, արտադրողին, խաղողի տեսակը եւ տարեթիվը, երբ գինին պատրաստվել է՝ միլեզիմը: Աշխարհի հաջորդ աջաջնությունը տեղի կունենա մյուս տարի Բուրգունդիայում՝ Բոսսեի խաղողի այգիներում:

Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
2628 | 0 | 0
Facebook