Մեր հայրենակից՝ Գերմանիայի հայ բժիշկների վարչության անդամ, բժիշկ ՝ Վարդան Խաչատրյանից տեղեկացանք, որ ապրիլյան պատերազմի ժամանակ ծանր վիրավորված զինվոր՝ Ռուբեն Առաքելյանի բուժման ընթացքն ունի դրական դինամիկա: Ռուբենը 13.06.2016թ. բուժումը շարունակում է Բոննի համալսարանային կլինիկայի Բադ Գոդեսբերգ վերականգնողական և ինտենսիվ բուժման կլինիկայում և արդեն նրա մոտ վերականգնվել է քթային շնչառությունը, հոտի զգացողությունը, խոսելու ձայնային ունակությունը, ձախ ձեռքի շարժունակությունը՝ կարողանում է ձեռքը հասցնել մինչև գլխի տակ, նկատվում է նաև զգացողական ակտիվություն աջ ձեռքում, ինչպես նաև ակտիվացել է աջ ոտքի շարժունակությունը: Ռուբենի առողջական վերականգնողական բուժման ընթացքին միաժամանակ մասնակցում են ութ մասնագետներ:
Լուսանկարում ՝ մայրիկի և թարգմանչական աջակցություն ցուցաբերող մեր հայրենակցի ներկայությամբ Ռուբենի ձեռքերի նյարդային և մկանային հյուսվածքների հետ միաժամանակ երկու մասնագետներ կատարում են ինտենսիվ վերականգնողական թերապիա:
