Հայկական անկոտրում ոգու և պատմական մեր գոհարների հետ ևս մեկ անգամ առնչվելու հնարավորություն ունեցան Քասախի Ա.Հովհաննիսյանի անվան 2 միջնակարգ դպրոցի 3-րդ դասարանի աշակերտները դասվար Մ.Հովսեփյանի և իրենց ծնողների հետ միասին, ովքեր սեպտեմբերի 22-ին այցելեցին Սարդարապատի հուշահմալիր` ՀՀ և Մայիսյան հերոսամարտերի 100-ամյակին նվիրված միջոցառումների ծրագրի շրջանակներում:
Հետաքրքիր և տպավորիչ օրվա խորհուրդը, թևավոր ցուլերի ու Հաղթանակի պատի վեհությունը կրկնապատկվեցին թանգարանում անցկացված բովանդակալից դաս- էքսկուրսիայով,
որտեղ ծանոթացան հերոսամարտի մասնակիցների անձնական իրերին, գրառումներին, տեսան լուսանկարներ, որոնք խոսուն վկաներն են համահայկական հերոսամարտի:
Ազգագրական բաժնի ճանաչողական մեծ արժեքն ու բազմազան տեղեկությունները ամփոփվեցին Մայիսյան հերոսամարտերի բաժնում, ուր փառահեղ հաղթանակների բերկրանքով լցվեցին բոլորը՝ դառնալով ներկայի արժեքները ապագային փոխանցող հայ ու քաղաքացի։
