Աբովյան համայնքում գործող «Արմատ» երիտասարդ նախաձեռնողների խումբը վերջին շրջանում համայնքում ակտիվ գործունեություն է ծավալում։
Այս անգամ երիտասարդները «Էկո աղբ» ՀԿ հետ միասին նախաձեռնել են փողոցային գրադարան՝ Աբովյան համայնքի զբոսայգում։
Այգում տեղակայվել է փայտե արկղ, ուր անվճար գրքեր են դրված։ Անցորդները կամ զբոսայգում իրենց հանգիստն անցկացնողները կարող են վերցնել նախընտրած գիրքը՝ փոխարենը այլ գիրք դնելով։
Այս հետաքրքիր մշակույթը ձևավորվել է 8 տարի առաջ և տարածվել է շուրջ 88 երկրներում, իսկ փայտե գրադարանների թիվն ամբողջ աշխարհում հասնում է
75 հազարի։
Ողջունում ենք այս հրաշալի գաղափարն ու հույս հայտնում, որ այն նույնպես կխթանի ընթերցանության տարածումը ՝ երիտասարդների շրջանում։
Աբովյան-իմ քաղաքըն