Ավանդական բժշկության համալսարանում երկար տարիներ ավանդույթ է դարձել օտարերկրացի բժիշկ–մասնագետների կողմից դասախոսությունների, սեմինարների, գործնական պարապմունքների անցկացումը:
Սեպտեմբերի 13-ին հերթական դասախոսությունը կարդաց Կալիֆորնիա նահանգի Սան -Ֆրանցիսկո համալսարանի բջջաբանության և հյուսվածաբանության ամբիոնի վարիչ, կենսաբան, բ.գ.դ., պրոֆեսոր Դայան Բարբերը: Դասախոսության թեման էր՝ «Բնային բջջիջների նշանակությունը բժշկական հետազոտությունների և վերականգնողական բժշկության բնագավառում, դրանց կարևորագույն դերը որոշ հիվանդությունների բուժման մեջ»:
Ուսանողներն ու դասախոսները մեծ հետաքրքրությամբ լսեցին դասախոսությունը, տրվեցին հետաքրքրող և կարևոր հարցեր:
Դայան Բարբերը համալսարանից հեռացավ տպավորված՝ խոստանալով հաջորդ այցի ժամանակ հանդես գալ դասախոսությունների այլ թեմաներով:
