Loading...

Articles

Ո՞ւր է կորել Գարեգին Բ-ն

Ազատ Խոսք
Spokesperson:
Ազատ Խոսք
23:31, Wednesday, 15 August, 2018
Ո՞ւր է կորել Գարեգին Բ-ն

Վերջին երկու շաբաթներին Գարեգին Բ-ի մասին խորհրդավոր լռություն է պահում Մայր Աթոռի (ապա) տեղեկատվական համակարգը: Մինչ այդ Գարեգին Բ-ի` ամեն օր սրան-նրան ընդունելու կամ այստեղ-այնտեղ իր օրհնությունը (?!) բաշխելու մասին լուրեր տարածող տեր Վահրամ քահանա Մելիքյանը երեւի հանգստանում է` ամիսներ «Նոր Հայաստան, նոր Հայրապետ» նախաձեռնության դեմ աշխարհով մեկ պատերազմելուց հետո: Ինչ խոսք, հսկայական գործ է արել, մի քիչ էլ չհանգստանա՞ մարդը...
     Իսկ ո՞ւր է կորել Գարեգինը, ի՞նչ գործով է նա զբաղված այս օրերին:
     Ինչպես հայտնի է` դեռեւս երջանկահիշատակ Վազգեն Ա վեհափառ հայրապետի տարիներից, Ամենայն հայոց կաթողիկոսն ուներ ամառանոց Աշտարակի շրջանի Բյուրական գյուղում: Վազգեն Ա-ը, ճիշտ է, երբեմն հանգստանում էր արտասահմանում, մասնավորապես` Չեխիայի Կառլովի Վարի առողջարանային քաղաքում, այդուհանդերձ, շատ տարիներ նա ամառն անցկացնում էր Մայր Աթոռից ոչ հեռու գտնվող Բյուրականում:
     Մեզ հասած հավաստի տեղեկություններով` Գարեգին Բ-ն օգոստոսի 1-ից գտնվում է Հյուսիսային Կովկասի Կիսլովոդսկ առողջարանային քաղաքի կենտրոնում տեղակայված «Դոլինա նազրանով» առողջարանում: Նա այնտեղ մենակ չէ: Նրա հետ են Հարավային Ռուսաստանի թեմի առաջնորդ Մովսես եպս. Մովսիսյանը, Ուկրաինայի թեմի առաջնորդ Մարկոս եպս. Հովհաննիսյանը եւ գավազանակիր Անանիա աբղ. Ծատուրյանը: Քառյակին միացել է նաեւ Գարեգինի եղբայրը` Ռուսաստանի եւ Նոր Նախիջեւանի թեմի առաջնորդ Եզրաս չ-արք. Ներսիսյանը: Անշուշտ, Նորին (ան) սրբության համար մեծ ամոթ կլիներ հանգրվանել սովորական կամ մի քիչ ավելի բարձրակարգ համարում: Նշված առողջարանային համալիրում նրանք վարձել են VIP բնակարաններ, որոնց յուրաքանչյուր օրվա վճարը շուրջ 11 հազար ռուբլի է: Այս հաշվով, հնգյակը օրական վճարում է շուրջ 55 հազար ռուբլի (շուրջ 835 դոլար): Իսկ քանի որ Գարեգին Բ-ի կեցությունը այս առողջարանում նախատեսված է մինչեւ օգոստոսի 25-ը, նրա «հանգիստը» մեր Եկեղեցու վրա նստելու է առնվազն 20 հազար դոլար: Հաշվի առնելով ինքնաթիռի եւ այլ ծախսերը, գումարը կարող է հասնել 25 հազար դոլարի եւ դա նույնիսկ գերազանցել: Առողջարանի ծառայություններն ընդգրկում են օրական չորսանգամյա սնունդ, բուժում Տամբուկան լճի առողջարար ցեխով (ըստ երեւույթին, Գարեգինին չի բավարարում այն ցեխը, որի մեջ գցել է ինքն իրեն եւ ուրիշների), բուժական այլ միջոցներ, լողավազան, մարզասրահ, մշակութային-ժամանցային միջոցառումներ եւ այլն:
     Եվ սա այն պայմաններում, երբ՝
     1. Ինչպես նշեցինք, Ամենայն Հայոց հայրապետը Բյուրականում ունի ամառանոց, որտեղ հանգստանալը տասնապատիկ եւ ավելի անգամ էժան կարժենա,
     2. ՀՀ եւ Արցախի քահանաների մի զգալի մասը ապրում է ծայրահեղ վատ կենսապայմաններում, նույնիսկ չունեն անհետաձգելի վիրաբուժության գումարները,
     3. Հայրենաբնակ ժողովրդի մեծագույն մասը հնարավորություն չունի հանգստանալու նույնիսկ կիրակի օրերին` ընտանիքի մի կտոր հացը վաստակելու հեւքում,
     4. ՀՀ-ում կան շատ ավելի մատչելի գներով եւ գրեթե նույնամակարդակ ծառայություններ մատուցող առողջարաններ,
     5. ՀՀ նոր իշխանությունները կոչ են անում ոչ թե երկրից գումարներ արտահանել քոչարյանա-սերժական փչացած վարչակարգերի «հերոսների» նման, այլ ընդհակառակը` աշխարհասփյուռ հայության գումարներն օգտագործել հենց Հայրենիքում:
     Ի դեպ, մինչ Լիբանանի Բիքֆայա գյուղի ս. Աստվածածնի վանքում Մեծի Տանն Կիլիկիո Արամ Ա կաթողիկոսը մեծ շուքով ու ժողովրդային հոծ մասնակցությամբ ամեն տարի տոնակատարում է Սուրբ Կույս Մարիամ Աստվածածնի վերափոխման տաղավար տոնը, Գարեգինը հանրապետությունից, ամենաքիչը՝ Մայր Աթոռից ՄԻՇՏ բացակայում է այդ տոնի օրերին: Աստվածամայրը նրան ինչո՞ւ հետաքրքրի երբ կյանքում տարաբնույթ ժամանցներ ու զվարճանքներ կան...
    
    

Ժամերգության իջնող վարդապետ...

Promote this post
The article published in the Spokesperson project.
Sign up and publish your articles.
Like
0
Dislike
0
4319 | 0 | 0
Facebook