Loading...

Articles

«Մեզ բոլորիս կարող է կաշկանդել միայն օրենսդրությունը». Ռոմանոս Պետրոսյան Կոտայքի մարզպետը շարունակում է համայնքային այցերը

19:38, Friday, 10 August, 2018
«Մեզ բոլորիս կարող է կաշկանդել միայն օրենսդրությունը». Ռոմանոս Պետրոսյան Կոտայքի մարզպետը շարունակում է համայնքային այցերը
     Հերթական կանգառներն էին Նոր Գեղին, Արգելը, Թեղենիքն ու Քարաշամբը: Նոր Գեղի համայնքի դպրոցում տեղի ունեցած հանդիպման ժամանակ Ռոմանոս Պետրոսյանն առանձնացրեց սկզբունքային երկու կետեր, որոնք կարևոր են դպրոցների արժանապատիվ աշխատանքի և որակյալ կրթություն ապահովելու համար:
     «Դպրոցներում այլևս ոչ ոք չպետք է խոսի քաղաքականությունից, սա կրթօջախ է: Եվ երկրորդը, օրենքով արտաբյուջետային միջոցներ դպրոցներում լինել չեն կարող, սա նշանակում է, որ ցանկացած լումա հավաքելը հակաօրինական է», - ասաց Ռոմանոս Պետրոսյանը:
     Հանդիպումների ընթացքում մարզպետը խոսեց յուրաքանչյուրի՝ սեփական դերի կարևորության գիտակցման մասին, քանի որ բոլորն այսուհետ առաքելություն իրականացնող են:
     «Տքնաջան պետք է աշխատենք բոլորս՝ ամենքս մեր տեղում, արդյունքների համար էլ լինենք պատասխանատու: Ոչ ոք չպետք է ուղղակի գնա «գործի» . դա այլևս անթույլատրելի է», - ասաց Ռոմանոս Պետրոսյանը:
     Շրջայցի ընթացքում հանդիպումներ եղան Նոր Գեղիի «Ակադեմիկոս Գ. Աղաջանյանի անվան պետական գյուղատնտեսական քոլեջում» -ում, բոլոր մշակույթի կենտրոններում, դպրոցներում, համայնքապետարաններում, որոնց ներկա էին նշված կառույցների աշխատակիցները և քաղաքացիներ:
     Ամենատարբեր ոլորտներին առնչվող մի խումբ հարցեր, մարզպետի հանձնարարականով, կլինեն պաշտոնատար անձանց ուշադրության կենտրոնում:
     «Ես տեսնում եմ, որ փոքր շրջանակներում դեռ երբեմն ճիգեր են գործադրվում մեղմելու դժգոհությունները, բայց վստահեցնում եմ. այլևս որևէ մեկին լռեցնելու ջանքերն ապարդյուն են լինելու», - ասաց մարզպետը, երբ դժգոհություններով հանգես եկող քաղաքացուն սաստելու փորձ եղավ:
     Այցի պահին Արգել համայնքի մշակույթի տանն աշխատում էր «Լուսաբաց» պարի համույթը, ինչը կարևորվեց՝ գյուղաբնակ երիտասարդների կրթամշակութային դաստիարակությունը գործնականում տեսնելու և գնահատելու տեսանկյունից:
     Մարզպետը նաև ծաղիկներ դրեց Արգելի զոհված ազատամարտիկների պուրակում ամփոփված շիրիմներին:
     http://kotayk.mtad.am/news/item/
Promote this post
The article published in the Spokesperson project.
Sign up and publish your articles.
Like
0
Dislike
0
3572 | 0 | 0
Facebook