Articles

     Յուրաքանչյուր անձ, ով ծանոթ է Սուրբ Գրքին, ծիսագիտությանը, եկեղեցական կյանքին, անմիջապես կհասկանա, որ չի կարելի մեր Տիրոջ Խաչը և խաչվառները օգտագործել նման նպատակներով, դա անթույլատրելի է և դատապարտելի: Որևէ անձ իրավունք չունի Սուրբ Խաչն օգտագործել և Խաչերթ կազմակերպել ցույցերի և շահադիտական նպատակներով:
     Շարժման ղեկավարների գլխավոր նպատակն էլ հենց այն է, որ անտեղյակ ժողովրդին հենց Խաչի և խաչվառների միջոցով կամ շարականների երգեցողությամբ համոզել, որ այս շարժումը եկեղեցական է և ուղղափառ, մինչդեռ իրենց այդ խորամանկ և շահադիտական նպատակով պարզապես անարգում են և պղծում մեր Տեր Հիսուս Քրիստոսին: Այս ամենն այլ կերպ կոչվում է ԽԱՉԱԳՈՂՈՒԹՅՈՒՆ:
     Հետայսու լինենք ավելի ուշադիր, մտածենք ավելի սթափ և թույլ չտանք, որ տեղի ունենա որևէ ոտնձգություն Սուրբ Խաչի հանդեպ:
    
     Laura Aghajanyan