Վեհափառ Հայրապետը հոգ է տանում ոչ միայն իր օրոք ստեղծված կառույցների, այլ իր կաթողիկոսությանը նախորդող շրջաններում կառուցված շինությունների մասին: Նորին Սրբության տնօրինությամբ եւ օրհնությամբ ստեղծվել են նոր թանգարաններ, օրինակ՝ Ռուբեն Սևակի անվան թանգարանը, մեկուկես տասնամյակում հիմնովին վերանորոգվել և բարեկարգվել են Մայր Աթոռի մյուս բոլոր թանգարանները: Այս ոլորտում ոչ միայն ժամանակի պահանջներին և ոգուն համապատասխան վերանորոգվել են թանգարանային կառույցները, այլև համալրվել ու վերականգնվել են բազմաթիվ ցուցանմուշներ: