Loading...

Articles

Ես նրանցից չեմ

10:53, Friday, 11 May, 2018
Ես նրանցից չեմ
    
2014 թվականին ԵՊՀ Սոցիոլոգիայի ֆակուլտետի Հեռաուսուցման լաբորատորիայում վերապատրաստվում էի «Հասարակայնության հետ կապեր և շուկայագիտություն» մասնագիտությամբ… «Քաղաքական PR և քաղաքական մարքեթինգ» դասընթացի ավարտական աշխատանքի թեմայի ուսումնասիրության շրջանակներում կատարեցի ՀՀ ներկա վարչապետ Նիկոլ Փաշինյանի քաղաքական իմիջի վերլուծությունը, որի արդյունքում արձանագրեցի.

    
1. Նիկոլ Փաշինյանի իմիջի ֆունկցիոնալ նշանակությունը վերլուծելիս պարզվում է դրա հակադրման էությունը, ըստ որի՝ նրա իմիջն առանձնանում է կոնտրաստի էֆֆեկտով, և սկզբունքը հետևյալն է՝ «Ես նրանցից չեմ...» .

    
2. ըստ ընկալման չափանիշի՝ Նիկոլ Փաշինյանի իմիջն ընկալվում է՝ որպես արտաքին, սոցիալ-հոգեբանական իմիջ, իսկ ըստ իմիջավորման օբյեկտի՝ որպես անհատական իմիջ՝ խմբային իմիջի ազդեցությամբ.

    
3. Նիկոլ Փաշինյանի դեպքում նկատելի է գերազանց վերբալ իմիջ և ըստ անհրաժեշտության, որպես քաղաքական իմիջի ձևավորման ուղի, ընդգծվում է իրադարձային ուղին, որն արտացոլում է անհատի վարքի, արարքների, ընդհանուր առմամբ գործունեության նորմատիվ-էթիկական կողմը.

    
4. Նիկոլ Փաշինյանի իմիջաբանական հայեցակարգում «ես» -ի տեսակը սոցիալական է, ըստ որի՝ նախընտրում է հաղորդակցման անմիջական տարբերակների ընտրությունը և բանավեճերի ու հանդիպումների կազմակերպումը.

    
5. իմիջի զարգացման տեսանկյունից քաղաքական առաջնորդն ունի քաղաքական առասպելի ստեղծման կատարյալ հնարավորություն՝ կապված սեփական անձի թափանցիկ կենսագրության հետ:

    
Այսքանը՝ ամփոփ
     Հեղինակ՝ ՀԵԿ հաղորդակցությունների ղեկավար Արման Տոնիկյան
Promote this post
The article published in the Spokesperson project.
Sign up and publish your articles.
Like
0
Dislike
0
5620 | 0 | 0
Facebook