Loading...

Articles

Երևանի քաղաքապետարանը միացել է համապետական շաբաթօրյակին

13:54, Saturday, 14 April, 2018
Երևանի քաղաքապետարանը միացել է համապետական շաբաթօրյակին

ՀՀ կառավարության «Մաքուր Հայաստան» ծրագրով ապրիլի 14-ին անցկացվող համապետական շաբաթօրյակի ընթացքում վաղ առավոտից աղբահանության և սանմաքրման ակտիվ աշխատանքներ են ծավալվել նաև մայրաքաղաքի բոլոր վարչական շրջաններում:

Գործընթացում ներգրավվել են Երևանի քաղաքապետարանի և վարչական շրջանների համապատասխան ստորաբաժանումները: Մաքրման աշխատանքները կազմակերպվել են վարչական շրջանների կանաչապատման ձեռնարկությունների և «Սանիթեք» ընկերության մարդկային ու տեխնիկական միջոցներով: Առանձին հատվածներ մաքրելու համար ներգրավվել է նաև լրացուցիչ բանվորական աշխատուժ:
     Պատշաճ տեսքի են բերվել մայրաքաղաքի գլխավոր ու երկրորդական փողոցները, բակերը, այգիներն ու պուրակները, հասարակական կառույցները և հանրային օգտագործման այլ տարածքներ: Բակերի մաքրմանը մասնակցել են նաև համատիրություններն ու մայրաքաղաքի բնակիչները:

Երևանի քաղաքապետարանի տեղեկատվության
     և հասարակայնության հետ կապերի վարչություն

Promote this post
The article published in the Spokesperson project.
Sign up and publish your articles.
Like
0
Dislike
0
1741 | 0 | 0
Facebook