2018 թ.-ի ապրիլի 11-ին «Վաղարշապատի Մեսրոպ Մաշտոցի անվան թիվ 1 հիմնական դպրոց» ՊՈԱԿ-ում հայոց լեզվի և գրականության ուսուցչուհի Սիլվա Հովհաննիսյանը Vբ դասարանոււմ անցկացրեց օրինակելի դաս մայրենիից: Թեմա՝ Համո Սահյանի «Արագիլները» բանաստեղծության մեկնաբանումն էր՝ օգտագործելով ՏՀՏ միջոցները:
Դասը բազմաբնույթ էր. Հ. Սահյանի կենսագրությունից տեղեկություններ, անդրադարձ բնաշխարհին, պատմություններ արագիլների հավատարմության մասին: Սովորողները նամակներ էին ուղղել արագիլներին՝ արտահայտելով իրենց ցանկությունները: Հնչեց Ս. Պասկևիչյանի «Արագիլները» երգը Լ. Սարիբեկյանի կատարմամբ: Լսեցին Խ. Աբրահամյանի կատարմամբ «Հոգնել եմ» բանաստեղծությունը: Ունկնդրեցին նաև Համո Սահյանի կենդանի ձայնը: