Սիրով շնորհավորում եմ Հայոց մայրերին ու գեղեցիկ սեռի բոլոր ներկայացուցիչներին գարնանային թարմությամբ ու պայծառությամբ ճառագող այս տոնի` ապրիլի 7-ի կապակցությամբ:
Մոր պաշտամունքն ու գեղեցիկ սեռի հանդեպ համազգային ակնածանքի դրսևորումն է այս տոնը` մեր հասարակությանն ուղեկցելով դեռևս նախաքրիստոնեական շրջանից:
Այդժամ հայկական իրականությունում պաշտվել է Անահիտ դիցուհին` Հայոց աշխարհի հովանավորը, որին հայերը բնորոշում էին «Ոսկեմայր» և «Մեծ տիկին» պատվանուններով:
Սա հերթական իսկ ապացույցն է, որ մեծագույն հարգանք է վայելում կինը մեր հասարակության մեջ` սկսած վաղնջական ժամանակներից:
Այսօրն էլ պատեհ առիթ է մեր սերը, պատկառանքն ու երախտիքը հայտնելու մեր մայրերին, կանանց, քույրերին ու դուստրերին:
Գեղեցիկ սեռի բոլոր ներկայացուցիչներին մաղթում եմ հավերժ հմայք ու ընտանեկան ջերմություն:
Թող ձեր կենսառատ ժպիտը երբեք չմարի` երիտասարդական ավյունով երջանկացնելով ձեր յուրաքանչյուր օրը: