Loading...

Articles

Անդրադարձ ՌԴ Եկատերինբուրգ քաղաքի մշակութային կյանքից

15:18, Tuesday, 13 March, 2018
Անդրադարձ ՌԴ Եկատերինբուրգ քաղաքի մշակութային կյանքից

Մարտի 11-ին Եկատերինբուրգի հայկական կիրակնօրյա դպրոցում տեղի ունեցավ գրական ցերեկույթ` «Վ.Սարոյանը` Մարդ, հայրենասեր, Բարի հսկա» խորագրով` նվիրված Վ. Սարոյանի ծննդյան 110-ամյակին: Մասնակցում էին դպրոցի ավագ և միջին խմբի սաները/այդ թվում նաև ազգությամբ ռուսներ/: Ներածական խոսքով հանդես եկավ հայոց լեզվի և գրականության ուսուցչուհի Նաիրա Թորոսյանը: Տեսիլք-հանդիպումը/Վ.Սարոյանի դերում` Գ.Հովհաննիսյան/ ծանոթություն էր մեծ արձակագրի հետ: Աշակերտները մեջբերեցին մեծերի խոսքերը Սարոյանի մասին, ներկայացրին փոքրիկ բեմականացում «Վեսլի Ջեքսոնի արկածները» վեպից: Հնչեցին Վ.Սարոյանի հանճարեղ խոսքերը հայի, հայության, Հայաստանի մասին: Ուսուցիչների /Նաիրա Թորոսյան և Անահիտ Կարապետյան/ մասնակցությամբ ընթերցվեց հանրահայտ «Հայ մուկը» պատմվածքը: Ավարտվեց ցերեկույթը «Քո կյանքի ժամերը» ստեղծագործությունից որպես պատգամներ հնչող խոսքերով, որոնք մշտապես արդիական են: Ցերեկույթն անցավ ջերմ ու մտերմիկ գրական մթնոլորտում: Ներկա էին ուսուցիչներ, ծնողներ, հյուրեր: Գնահատանքի խոսքով հանդես եկան ծնողները և դպրոցի վաստակաշատ տնօրեն տիկին Աիդա Մաթևոսյանը: Գրական ցերեկույթների մեկնարկն սկսված է:

Promote this post
The article published in the Spokesperson project.
Sign up and publish your articles.
Like
0
Dislike
0
5529 | 0 | 0
Facebook