Loading...

Articles

Բարեկենդանը մարդու երջանկության հիշատակն է

20:27, Monday, 12 February, 2018
Բարեկենդանը մարդու երջանկության հիշատակն է

Մեծ պահքի բարեկենդանը կոչվում է Բուն Բարեկենդան, քանի որ նախորդում է ամենաերկար պահքին: Բարեկենդանը մարդու երջանկության հիշատակն է, որը դրախտում վայելում էին Ադամն ու Եվան: Այն նաև դրախտային կյանքի օրինակն է, որտեղ մարդուն արտոնված էր ճաշակել բոլոր պտուղները, բացառությամբ բարու և չարի գիտության ծառի պտղից, որը պահքի խորհրդանիշն է: Այդ օրը մարդիկ սգից անցնում են ուրախության, չարչարանքից` խաղաղության: Այս ընկալմամբ է, որ յուրաքանչյուր քրիստոնյա հոգու խոնարհումով, ապաշխարությամբ, պահքով և ողորմության հույսով սկսում է Մեծ պահքի ճանապարհը: Այն տևում է 48 օր՝ Բուն Բարեկենդանից մինչև Ս. Հարության՝ Զատիկի տոնը:
     Արզականի Խ. Խաչատրյանի անվ. միջն. դպրոցի ՀԵՊ ուսուցչուհի Լիաննա Գրիգորյանի նախաձեռնությամբ աշակերտները ներկայացրեցին Բուն Բարեկենդանը որպես Մեծ պահքի նախասկիզբ Կիրակի: Ապա հանդիսատեսին՝ մանկավարժներին, իրենց ընկերներին եւ ծնողներին ներկայացրեցին նաև ԲԲ-ին նվիրվաած ժողովրդական սովորությունները, խաղերը, ասմունքեցին խաղիկներ, պարեցին ոուրախ պարեր: Եվ իհարկե պատրաաստեցին տոնական հայկական ղափաման:
     Միջոցառման ավարտին ՔԴԿ Հրազդանի տ/շրջ-ի պատասխանատուն շնորհակալություն հայտնեց դպրոցի տնօրինությանը և ՀԵՊ ուսուցչուհուն միջոցառման կազմակերպման համար, խոսեց Բուն Բարեկենդանին նախորդող Ս. Ղևոնդյանց եւ Ս. Վարդանանց տոների, նաև Մեծ պահքի մասին:


    

Անժելա Ղլեջյան

Promote this post
The article published in the Spokesperson project.
Sign up and publish your articles.
Like
0
Dislike
0
2925 | 0 | 0
Facebook