Աբովյանի հ. 7 հիմնական դպրոցում կազմակերպվել էր միջոցառում` մարզի ուսումնական հաստատություններում գործող ռոբոտաշինության խմբակների մասնակցությամբ: Ներկա էին նաև Կոտայքի մարզպետի օգնական Հ. Ադամյանը և կրթության բաժնի առաջատար մասնագետ Հ. Թադևոսյանը:
Միջոցառումը ղեկավարում էր մարզի ռոբոտաշինության խմբավարների համակարգող Արմեն Մխոյանը, ով նախ ներկայացրեց Արմաթ ինժեներական լաբորատորիաների ստեղծման նպատակը և դրանց զարգացման հեռանկարը, խմբակներում աշակերտների ընդգրկվածությունը, խմբակների տեխնիկական հագեցվածությունը և գրանցած հաջողությունները:
Առաջարկություններով հանդես եկան նաև խմբավարները: Թեև մեր լաբորատորիաների հագեցվածությունը չի բավարարում խմբավարներին, սակայն աշակերտների հաջողությունները գնահատելի են: Հ. Ադամյանը իր ելույթում շնորհակալություն հայտնեց հրաշալի նախաձեռնության և գրանցած արդյունքների համար, կոչ արեց աշակերտներին նոր գաղափարների և խոստացավ Կոտայքի մարզպետ Կ. Գուլոյանին ներկայցնել լաբորատորիաները հագեցնելու ծրագիր:
Միջոցառումը եզրափակվեց աշակերտների աշխատանքների ցուցադրությամբ: