Loading...

Articles

Կարոտների գինին

16:07, Monday, 25 December, 2017
Կարոտների գինին
    
    
    

Միշտ կարո՜տ է երգում սիրտս,

(Այսքա՜ն կարոտ որտեղի՞ց)


    

Այնքան շա՜տ են կարոտներս-

Բաժանո՜ւմ եմ

Անցորդներին փողոցի…


    

Մեկին մի քիչ շա՜տ է հասնում,

Մեկին մի քիչ պակա՜ս,


    

Կարոտներից մի՛տքս պայթում-

Նմանվում է հասունացած,

Սի՜րտը պայթած նռան…


    

Հոգուս հյութը կարոտախեղդ

Կա՜թ-կաթ ընկնում է հողի՜ն,


    

Անկո՜ւշտ, ագա՜հ հողն իր հերթին

Կո՜ւլ է տալիս

Կարոտներիս գինին…


    

Կարմի՜րն է դառնում կարոտի գույնը ՝

Արյան պես խելա՜ռ,

Արյան պես գաղտնի՜,


    

Հայելի է դառնում անորոշությունը՝

Գազանի տեսքով տհա՜ճ,

Անճոռնի…


    

… Կարմի՜ր են բոլոր անցորդները,

Հո՜ղը, երկի՜նքը,

Անձրևը՝ թափվող վարդագույն ամպից…


    

Միշտ կարո՜տ է երգում սիրտս,

Այսքա՜ն կարոտ որտեղի՞ց..

Promote this post
The article published in the Spokesperson project.
Sign up and publish your articles.
Like
0
Dislike
0
5712 | 0 | 0
Facebook