Loading...
Today:  Wednesday, 25 April, 2018
Deposit percent:  
Armenian dram
14.00%
,
US Dollar
6.50%
,
European Euro
4.00%
,
Russian Ruble
8.50%

Articles

ԵՂԻՇԵ ՉԱՐԵՆՑ

18:42, Wednesday, 06 December, 2017
ԵՂԻՇԵ ՉԱՐԵՆՑ
     ՊԱՏԳԱՄ

Նոր լույս ծագեց աշխարհին.
     Ո՞վ այդ արևը բերեց:

Ահա ոսկյա մի արև՝
     ճառագումով իր հրե՝
     Այգաբացի պուրպուրե

Նժույգների վրա հեգ՝
     Նոր աշխարհին ու մարդուն
     Հղում է լույս զվարթուն,
     Նոր աշխարհին ու մարդուն
     Ո՜վ բերեց լույսն այս արթուն,
     Օ՜, ո՞ւմ ձեռքով վառվեց, ո՞ւմ,
     Հրակարմիր, հրավարս,
     Ադամանդյա լույսը այս: -

Կքած կյանքի բեռի տակ,
     Խոր գերության ընդերքում,

Իմաստության մի գետակ
     Հիմարության համերգում--
     Քանի՜ տարի, քանի՜ դար
     Վկայեցիր անհերքում...

Ափերին այն խավարտչին,
     ՈՒր հայրենիքն էր մեր հին, --
     Չկա՞ր արդյոք գետ մի հորդ,
     Որ գերության անհաղորդ՝
     Լուրթ՝ հոսելով դարից-դար՝
     Մթության մեջ այն համառ
     Այս այգաբացն էր կրում,
     Հո՜ւր այգաբացն այս հեռու՝
     Հնուց պահած իր ջրում
     Օ՜, ըղձակա'ն այս հեռուն...

Կքած կյանքի բեռի տակ՝
     Ոգի՜, անկոր, հո՜ւր գետակ...

Ահա վառվում է մեր նոր
     Հաղթանակի լույսը բորբ.
     Լվանում է նա հիմա
     Վառվող ոգին մեր անմահ,
     Չքնաղ արև'ն այդ արի,
     Վառված հրով աշխարհի...
     Չկա՜ ուրիշ արև է'լ.
     Նա' է միայն, որ դարեր
     Անմար՝ պիտի արևէ'...

Լույսով վառված սակայն այդ՝
     Նժարներից հիմա մենք
     Հիմարությամբ չթափենք

Իմաստությունն այն արար.--
     Մեր անցյալի խորամիտ
     Է'ջն այն արդար ու ռամիկ՝

Մեծահանճար ու վարար...
     Ե.Չարենց

To promote the post

Like
1
Dislike
0
3123 | 0 | 0
|
Like and Subscribe
Facebook
ВКонтакте
Spokesperson