Articles

     Նոր Երզնկայի դպրոցում անցկացվեց ցերեկույթ՝ նվիրված ուսուցչի տոնին: 11-րդ դասարանի աշակերտները նախաձեռնել էին միջոցառում, որը դարձավ հուզիչ ու անմոռանալի նվեր դպրոցին ու ուսուցիչներին, առանձնապես վաստակած հանգստի գնացած ուսուցիչներին, որոնց հրավիրել էին մեծարելու իրենց երկարամյա նվիրյալ աշխատանքի մասին ևս մեկ անգամ հիշելու, գնահատելու և մեծարելու: Ուսուցիչների սեր ու ժպիտ ճառագայթող աչքերը, աշակերտների կարոտ ու ակնածանք արտահայտող խոսքերը վկայությունն էին դպրոցում գործող առողջ, ազնիվ ավանդույթի մասին: