Articles

Հայաստանի Հանրապետության Անկախության 26-րդ տարեդարձի առիթով Հրազդանի քաղաքապետարանը Կենտրոն թաղամասի Սահմանադրության հրապարակում և Բարության պուրակում կազմակերպել էր տոնական համերգային միջոցառում:
     ՀՀ օրհներգով մեկնարկած միջոցառմանը ընթերցվեց համայնքի ղեկավար՝ Արամ Դանիելյանի շնորհավորական ուղերձը, այնուհետև միջոցառումն ուղեկցվեց քաղաքի լավագույն համույթների ու անհատ կատարողների գեղարվեստական ելույթներով: Իրենց ելույթներով հանդես եկան Հրազդանի քաղաքապետարանի «Ալմաստ» ժողգործիքների համույթի մեներգիչները /գեղ. ղեկ.՝ Աշուղ Ալմաստ/ և «Հրազդան» պարային համույթի պարողներ:
     Ընթացքում հնչել են նաև ՀՀ Անկախության պատմական իրողություններին վերաբերող տեղեկություններ:
     Բարության պուրակում կազմակերպվել էր նաև քաղաքի մանկական արվեստ դպրոցների սաների նկարչական աշխատանքների բացօթյա ցուցահանդես:

     Հրազդանի Համայնքապետարանի Կմս բաժին