med.tert.am/am/news-հաղորդմամբ գիտնականների անցկացրած բազմաթիվ հետազոտությունները ցույց են տվել, որ սուրճը շատ օգտակար է առողջության համար: Այն օգնում է ազատվել ավելորդ կիլոգրամներից, բարձրացնում է աշխատունակությունը, նվազեցնում է շաքարային դիաբետի և դեմենցիայի առաջացման հավանականությունը:
Սակայն վերջին ուսումնասիրությունները ցույց են տվել, որ այս ըմպելիքը նաև դրական ազդեցություն է ունենում կյանքի տևողության վրա:
Ուսումնասիրությանը մասնակցել է 180 հազար կամավոր և գիտափորձերի արդյունքում գիտնականները պարզել են, որ օրական մեկ բաժակ սուրճ խմող մարդիկ 12%-ով ավելի երկար են ապրում, քան նրանք, ովքերը ընդհանրապես սուրճ չեն օգտագործում:
Օրական 2-3 բաժակ սուրճ խմող կամավորների մոտ վաղաժամ մահվան հավանականությունը ցածր էր 18%-ով:
Ընդ որում՝ մասնագետները հավաստում են, որ կյանքը երկարացնելու համար կարելի է խմել և՛ կոֆեին պարունակող սուրճ, և՛ կոֆեին չպարունակող:
Բացի այդ, գիտափորձի արդյունքների վրա չի ազդել նաև կամավորների էթնիկ պատկանելությունը:
Գիտնականները դեռ չեն պարզել, թե սուրճի որ բաղադրիչն է նման դրական ազդեցություն ունենում, սակայն նրանք խորհուրդ են տալիս ամեն դեպքում ներառել այս ըմպելիքը սննդակարգում, քանի որ այն օժտված է նաև մի շարք այլ օգտակար հատկություններով:
http://med.tert.am/am/news/2017/07/12/coffee/39376
