Articles

Այսօր Գավառի պետական համալսարանում մեկնարկեց ՀՀ Գեղարքունիքի մարզի դպրոցների 12-րդ դասարանի աշակերտների համար նախատեսված առարկայական օլիմպիադաների շարքը:

Կայացավ հայոց լեզու և գրականություն առարկայի օլիմպիադան։

Անցկացվելու են օլիմպիադաներ նաև անգլերեն, քիմիա, աշխարհագրություն, մաթեմատիկա, հայ ժողովրդի պատմություն, ռուսաց լեզու, կենսաբանություն առարկաներից։

Ձեռնարկի հիմնական նպատակն է դպրոցականների գիտելիքների ստուգումը, աշակերտների խրախուսումը, նրանց մասնագիտական կողմնորոշման հարցում աջակցությունը:

Առարկայական օլիմպիադային 1-ին, 2-րդ և 3-րդ տեղերի մրցանակակիրներ կհամարվեն 16-20 միավոր հավաքած աշակերտները, ովքեր ԳՊՀ ընդունվելու դեպքում 1-ին կուրսի 2-րդ կիսամյակում կստանան ուսման վարձի զեղչ՝ 1-ին տեղ 30%, , 2-րդ 20%, և 3-րդ 10%-ի չափով:

Հավելենք նաև, որ այսօր կայացած օլիմպիադայից հետո աշակերտները եղան ԳՊՀ Վարշամ Ավետյանի անվան պատմագիտական թանգարանում, բնագիտության լաբորատորիայում, ինչպես նաև տարբեր ֆակուլտետներում լսեցին մասնագիտական դասախոսություններ:

Բոլոր աշակերտներին մաղթում ենք հաջողություն: