Երևանի քաղաքապետարանի աշխատակազմի բնապահպանության վարչությունից տեղեկացնում են, որ Պուշկին 4 շենքի դիմաց անհայտ քաղաքացիների կողմից վնասված հացենի տեսակի ծառի վերաբերյալ «Կենտրոն–կանաչապատում» ՓԲԸ-ն իրականացրել է ծառի խնամքի աշխատանքներ՝ հետագայում ցրտահարումները կանխելու և կենսունակությունը պահպանելու համար։
Միաժամանակ, կատարված տեղազննության հիման վրա նաև պարզվել է, որ ծառի արմատների աճին վնասող նյութ չի լցվել։
Հաշվի առնելով տվյալ միջադեպը՝ հանձնարարվել է նաև «Կենտրոն–կանաչապատում» ՓԲԸ-ին խիստ վերահսկողություն սահմանել նշված տարածքի նկատմամբ։