Արտենիի թիվ 1 միջնակարգ դպրոցի 6-րդ դասարանում կազմակերպվեց արտադասարանական ընթերցանություն մայրենիից:
Թեման` Ավ. Ահարոնյանի «Հազրեն» պատմվածքն էր:
Նպատակը . Հայոց ցեղասպանությունը, որպես անկյունադարձ մեր պատմության, որպես հետևանք մեր գոյի և լինելիության:
Աշակերտները հատվածաբար ընթերցեցին նյութը: Ուսուցչուհին սկսեց կարդալ, ապա կանչեց մի աշակերտի, ով շարունակեց ընթերցումը, հետո աշակերտները հաջորդաբար փոխանցելով կարդացին մինչև վերջ: Հարցերով քննարկվեց և վերարտադրվեց նյութի բովանդակությունը: Հնչեցին ֆիդայական երգեր, և յուրաքանչյուր աշակերտ իր կարծիքն ու տեսակետը արտահայտեց թեմայի վերաբերյալ:
Քարտեզի վրա ցույց տրվեց Օսմանյան կայսրության մեջ այն վայրերը, ուր 1894-96թթ ջարդերի ընթացքում վրիժառական, ֆիդայական գործողություններ են կատարվել:
Արժևորվեց և գնահատվեց գթասրտություն, քաջություն, կորուստը դիմագրավելու, հարատև ճիգ, վերապրելու կամք, արտահայտությունների միտքն ու իմաստավորումը: Դասաժամն ավարտվեց «Անդրանիկ Օզանյան» երգի ունկնդրումով: