«Էկլեր» շատերն են սիրում: Ընդհանրապես այն լինում է 2 տիպի' դասական' քաղցր կրեմով, և տարբեր միջուկներով լցոնած: Փորձենք պատրաստել դասական «Էկլեր»:
Խմորի համար անհրաժեշտ է'
ջուր' 2 բաժակ,
կարագ' 250գր,
աղ' մեկ պտղունց,
ձու' 5 հատ,
ալյուր' մեկ մեծ բաժակ,
Կրեմի համար անհրաժեշտ է'
250 գր փափկեցրած կարագ,
եփած խտացրած կաթ' 1տուփ:
Պատրաստման եղանակը.
Ջուրն ու կարագը լցրեք կաթսայի մեջ: Ավելացրեք աղն ու դրեք կրակի վրա: Թողեք, մինչև եռ գա: Կրակը դարձրեք ինչքան հնարավոր է թույլ, ավելացրեք մեկ բաժակ ալյուր, արագ խառնեք և եփեք 2 րոպե: Թողեք' մի փոքր սառչի:
Թեթևակի գոլացած զանգվածին հերթով ավելացրեք ձվերը: Յուրաքանչյուր ձուն գցելուց հետո լավ խառնեք զանգվածը: Թավայի մեջ դրեք թխելու համար նախատեսված թուղթը, քսեք վրան բուսական յուղ: Կերակրի համար նախատեսված ներարկիչով փոքրիկ փքված գնդեր ստացեք խմորից:
Թխել էկլերները լավ տաքացած ջեռոցում 40-50 րոպե: Չբացել ջեռոցը, մինչև թխվի: Հարիչի օգնությամբ հարել կարագն ու խտացրած կաթը: Լցնել կրեմը ներարկչի մեջ, թխված էկլերի վրա փոքրիկ անցք արեք և լցրեք անհրաժեշտ քանակությամբ կրեմը:
Բարի վայելում:
