Ինձ պատմել են` քո սերը իմ նկատմամբ,
Ինձ բնութագրել են այն ընդհանուր առմամբ,
Թե որն են անկեղծ սիրուդ արմատները,
Արմատում գտնվող սիրո վերքերը:
Մի փոքր պատմություն քո սիրո մասին.
Նվիրված քո հրաշք սիրուն թանկագին,
Բայց ես անմեղ միամիտ մանուկի պես,
Կարծում էի թե` սուտ է սիրել այդպես:
Մի մեծ սխալմունք և ես միայնակ եմ,
Տխուր ու մոլոր. և այժմ մենակ եմ,
Կարծես լինեմ այս աշխարհից կտրված,
Քո անմեղ սիրուն դավաճան դարձած:
Դառն է իմ կյանքը` հիմա. հենց այս պահին,
Կուզենայի ես լինել քո կողքին,
Մոռանայի ամեն ինչ ամեն մանրուք,
Թե չէ դարձել եմ այսպես մի որբ խղճուկ:
