Loading...

Articles

ԻՄԸ ՆԵՐԿԱՆ Է, ՈՒ ԵՍ ՆԵՐԿԱՆ ԵՄ /չափածո/

13:23, Monday, 17 March, 2014
ԻՄԸ ՆԵՐԿԱՆ Է, ՈՒ ԵՍ ՆԵՐԿԱՆ ԵՄ /չափածո/

Դատաստանից ահեղ չեմ երկյուղում.

Փուլն այդ անցել եմ:

Նոր` երկրորդ կյանքով ապրելու հույսը

Չի հուզում բնավ.

Փուլն այդ անցել եմ:

Իմը ներկան է, ու ես ներկան եմ,

Առկան ու արդին - սա է Էական:

Շռայլ գտնվեց Անտեսն իմ հանդեպ,

Ընծայեց հոգի, մարմին շնորհեց,

Բանականությամբ օժտեց նվաստիս,

Տվեց ազատ կամք,

Դրսևորվելու հնարավորություն:

Ավելին ասեմ` փորձ թողեց ցեղի,

Նաև` մարդկության:

Լեզու ավանդեց, որպեսզի կարդամ,

Բարբառեմ նաև, խորհել կարենամ,

Ձեռքեր, որ բռնեմ, ոտքեր` ընթանամ,

Քանզի գնացք է կյանքը մշտահոս,

Ոչ մի ընդհատում:

Ճեպընթացում այս` իմը տրվածն է,

Անգիտության մե՞ջ Ժամս կսպառեմ,

Տեղապտույտո՞ւմ,

Կորոշեմ սողա՞լ,

Թե երկինքն ի վեր ելնել կջանամ.

Ընտրությունն իմն է:

- Ես այդ փուլում եմ:
    
     ՀԱՆԳՐՎԱՆ շարքից։

Promote this post
The article published in the Spokesperson project.
Sign up and publish your articles.
Like
0
Dislike
0
3635 | 0 | 0
Facebook