Խնդրում ենք սպասել...

Հոդվածներ

«Սերգեյ Բագրատյանի դեմ հնչող քննադատությունը սև քարոզչություն է». Տիգրան Ուրիխանյան

19:49, երեքշաբթի, 30 ապրիլի, 2013 թ.
«Սերգեյ Բագրատյանի դեմ հնչող քննադատությունը սև քարոզչություն է». Տիգրան Ուրիխանյան
    
    
     Քանի որ պարոն Բագրատյանը ԲՀԿ ավագանու ցուցակի առանցքային դեմքերից մեկն է և քանի որ արդեն ոմանց համար, մրցակիցներին նկատի ունեմ, ոչինչ չի մնում, քան սև քարոզչությունը` ԲՀԿ-ի վարկանիշը ցածրացնելու նպատակով, հավանաբար, քննադատությունը դրան է ուղղված: Սերգեյ Բագրատյանի քաղաքավարությանը, պարկեշտությանը ծանոթ մարդկանց մոտ նման հարցեր չեն կարող առաջանալ», -այս մասին ASEKOSE.am-ի թղթակցի հետ զրույցում ասաց ԲՀԿ մամուլի խոսնակ Տիգրան Ուրիխանյանը` մեկնաբանելով Երևանի ավագանու ԲՀԿ ցուցակի չորրորդ հորիզոնականը զբաղեցնող Սերգեյ Բագրատյանի դեմ հնչող քննադատությունը:
     Տիգրան Ուրիխանյանի խոսքով` եթե Սերգեյ Բագրատյանի պաշտոնավարման ընթացքում, այնուամենայնիվ, կա հարուցված քրեական գործ, ապա իրավապահ մարմինները պետք է պատշաճ կերպով պարզաբանեն, թե վերջինս ինչ առնչություն ունի դրա հետ:
     Հիշեցնենք, որ վերջին օրերին լուրեր են շրջանառվում այն մասին, որ Երևանի ավագանու ընտրությունների ԲՀԿ ցուցակում է ընդգրկված, Վայոց ձորի նախկին մարզպետ Սերգեյ Բագրատյանի դեմ ժամանակին քրգործ է հարուցվել՝ մարզին հատկացված դիզվառելիքի յուրացման համար:
     Մեկ այլ տեղեկատվության համաձայն` Սերգեյ Բագրատյանի դեմ քրեական գործի նյութեր են նախապատրաստվել` ոստիկանին ընտրատեղամասում ծեծի ենթարկելու համար:
     1ur.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3273 | 0 | 0
Facebook