Խնդրում ենք սպասել...

Հոդվածներ

Այց Կապանի էլեկտրոնային գրադարան

14:15, երեքշաբթի, 25 սեպտեմբերի, 2018 թ.
Այց Կապանի էլեկտրոնային գրադարան

Գրադարանը ազատություն է: Ընթերցելու, շփվելու ազատություն: Այն կրթություն է, որ չի ավարտվում այն օրը, երբ մենք ավարտում ենք դպրոցը կամ համալսարանը: Գրադարանը ժամանց է, առանձնացում և մուտք դեպի տեղեկատվություն: /Նիլ Գեյման/
     20.09.2018թ. Կապանի N13հիմնական դպրոցի VIա դասարանի սաները մաթեմատիկայի դասն անցկացրին Կապանի էլեկտրոնային գրադարանում:
     Թեման ՝ Հետաքրքիր փաստեր մաթեմատիկայի և թվերի մասին
     Եթե նույնիսկ Դուք չեք սիրել և սիրում մաթեմատիկան, դժվար թե կարողանաք չհամաձայնվել այն մտքի հետ, որ այն մեր կյանքում մեծ դեր ունի: Մաթեմատիկայի ուսուցիչ Ռիմա Մկրտչյանը կարևորեց «Մաթեմատիկա» առարկան և նրա ունեցած մեծ դերը մեր կյանքում:
     Աշակերտները ներկայացրին հետաքրքիր փաստեր մաթեմատիկայի և թվերի մասին, մի քանի հետաքրքիր փաստեր պի թվի, ոսկե հատվածքի (կտրվածք), հաջողակ և անհաջողակ, 2520 թվի յուրահատկությունը, ծննդյան օրերի պարադոքսը և այլնի մասին:
     Ներկայացնելով աֆորիզմներ մաթեմատիկայի և մաթեմատիկոսների մասին, կարևորեցին Է. Կանտի «Յուրաքանչյուր բնական գիտություն պարունակում է այնքան ճշմարտություն, որքան նրանում մաթեմատիկա կա» աֆորիզմը: Վեցերորդցիների ակտիվությունը հիացրեց բոլորին և խթանեց՝ հանդես գալ նորանոր նախաձեռնություններով:
     Նորարությունը դարի պահանջ է: Նորարարական մոտեցումներն այսօր բացում են զարգացման հեռանկարներ բոլոր բնագավառներում: Իսկ կրթական ոլորտը պետք է միշտ առաջատար դիրքերում լինի:

ՄԿԱ գծով փոխտնօրեն Ժաննա Վարդանյան

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
4810 | 0 | 0
Facebook