Խնդրում ենք սպասել...

Հոդվածներ

Անկախությունն ինձ համար բացարձակ արժեք է ճիշտ այնպես, ինչպես պետականությունը

19:17, հինգշաբթի, 20 սեպտեմբերի, 2018 թ.
Անկախությունն ինձ համար բացարձակ արժեք է ճիշտ այնպես, ինչպես պետականությունը

Անկախությունն ինձ համար բացարձակ արժեք է ճիշտ այնպես, ինչպես պետականությունը: Եվ այսօր արդեն՝ շուրջ 27 տարի, մենք ունենք անկախ պետականություն, ինչը բոլորիս պարտավորեցնում է գործել ազատ և անկաշկանդ՝ հանուն մեր երկրում ժողովրդավարության կայացման և բարեկեցիկ կյանքի կառուցման: Մենք պետք է գիտակցենք, որ անկախությունը սկսվում է մեզանից յուրաքանչյուրիցս, մենք ենք ընտրում որտեղ և ինչպես իրացնել այն և հանուն ինչ նպատակների:

Այն, ինչ ամիսներ առաջ տեղի ունեցավ մեր ազատ, անկախ երկրում, ապացույցն էր այն բանի, որ մենք իրապես ունենք ներքին ազատություն և անկախություն, և որ դա մի օր կարող է դուրս հորդալ և տարածվել՝ առանց սահմաններ ճանաչելու: Մենք պիտի ներդնենք բոլոր ջանքերը, որպեսզի մեր քաղաքացիները լինեն գիտակից և այս ներքին անկախությունն օգտագործեն որպես մի զորեղ գործիք՝ վերահսկողություն սահմանելու և պետականության դեմ ցանկացած ոտնձգության օրենսդրությամբ իրենց վերապահված իրավունքի ամբողջ խստությամբ հակադարձելու համար:

Անկախությունը հայ ժողովրդի մեծագույն ձեռքբերումներից է, և թող որ երբևէ այլևս մեզանում կասկած չլինի, որ մենք Ազատ, Անկախ ու Հպարտ պետության ՀԶՈՐ ՔԱՂԱՔԱՑԻՆԵՐՆ ենք:


     Ռոմանոս Պետրոսյան

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3136 | 0 | 0
Facebook