Այսօր Կոտայքի մարզի բոլոր բուժ.հաստատություններին ևս մեկ անգամ հորդորել ենք, որ շտապ բժշկական օգնության ծառայությունը կազմակերպեն և իրականացնեն բացառապես պետական պատվերի շրջանակներում (ԱՆՎՃԱՐ)` հիմք ընդունելով Հայաստանի Հանրապետության առողջապահության նախարարի 2013 թվականի հուլիսի 24-ի N39-Ն հրամանը` պետության կողմից երաշխավորված անվճար բժշկական օգնության և սպասարկման շրջանակներում բնակչությանը ցուցաբերվող շտապ բժշկական օգնության տրամադրման չափորոշիչների մասին:
Միաժամանակ հորդորել ենք ճանապարհատրանսպորտային վթարների, դժբախտ պատահարների դեպքում քաղաքացիներին անհրաժեշտ անհետաձգելի բժշկական օգնություն և սպասարկում ցուցաբերելու պարագայում ֆինանսավորման փոխհատուցումը իրականացնել Ավտոտրանսպորտի Պատասխանատվության Պարտադիր Ապահովագրություն (ԱՊՊԱ) իրականացնող ընկերությունների միջոցով՝ վթարի ենթարկված քաղաքացիներին կամ նրանց հարազատներին ազատելով անձնապես վճարումներ իրականացնելու պարտավորվածությունից:
Եղե՛ք իրազեկված և պահանջե՛ք պետական պատվերի շրջանակներում հասանելի ծառայությունների մատուցումը ձեզ անվճար հիմունքներով:
Ցանկացած վճարովի ծառայություն ստանալու դեպքում պահանջե՛ք վճարումը հաստատող փաստաթղթեր:
Ռոմանոս Պետրոսյան
