Խնդրում ենք սպասել...
COMMENT.am
Այսօր`  հինգշաբթի, 20 սեպտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Կեսգիշերն անց անակնկալ այց Աբովյանի Բժշկական Կենտրոն

06:01, երկուշաբթի, 10 սեպտեմբերի, 2018 թ.
Կեսգիշերն անց անակնկալ այց Աբովյանի Բժշկական Կենտրոն

Կեսգիշերն անց անակնկալ այց կատարեցի մարզային ենթակայության «Ռ.Հարությունյանի անվ. Աբովյանի Բժշկական Կենտրոն» ՓԲԸ։

2 տարբեր վթարներից հիվանդանոց էին տեղափոխվել 8 քաղաքացիներ, ում ցուցաբերվել էին տարաբնույթ անհետաձգելի բժշկական օգնություն (հիմնականում սալջարդեր և ոսկրային կոտրվածքներ), և բոլորը սպասարկվել էին ՎՃԱՐՈՎԻ հիմունքներով (5.000-ից 23.000 ՀՀԴ):

Պետք է հասկանալ. որտեղ է այն սահմանագիծը, որը բաժանում է վճարովի֊համավճար֊պետ.պատվեր ծառայությունները, և արդյոք մեր Քաղաքացիներին հավուր պատշաճի իրազեկում են այդ դրույթների և դրանցից օգտվելու նրանց իրավունքների մասին, թե մեր պետական բուժ.կենտրոնները զուտ «վերակազմավորվել են» շահույթ հետապնդող կոմերցիոն հաստատությունների։

Համենայն դեպս, ինձ ներկայացրեցին 1000 պատճառ և գնացուցակ, թե ինչու են գումար գանձել տուժող քաղաքացիներից, սակայն չներկայացրեցին գեթ 1 իրավական ակտ, որով հնարավոր կլիներ վերջիններիցս գեթ մեկին սպասարկել պետ.պատվերի կամ համավճարի շրջանակներում։

Առաջիկայում հիմնավոր կզբաղվեմ իմ իրավասության տակ գտնվող բժշկական հաստատությունների և առողջության առաջնային պահպանման կենտրոնների գործունեության կանոնակարգմամբ, որտեղ գերակա կլինի ՀՀ ՔԱՂԱՔԱՑՈՒ շահը։

Իսկ մինչ այդ, կոչս մեր բոլոր Քաղաքացիներին. պահանջե՛ք ձեր բոլոր վճարումների դրամարկղային կտրոնները, որպեսզի ձեր մասով առնվազն կանխեք կոռուպցիոն ռիսկերն ու ստվերային շրջանառության հնարավորությունը բուժ.հաստատություններու։
    
     ։Ռոմանոս Պետրոսյան

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
3141 | 0 | 0
Facebook
Մամուլի խոսնակ