Խնդրում ենք սպասել...

Հոդվածներ

Ինչպիսի՞ն պետք է լինի առաջին սեքսը :)

ARMAN kOCHARYAN
Հեղինակ`
ARMAN kOCHARYAN
12:49, կիրակի, 09 սեպտեմբերի, 2018 թ.
Ինչպիսի՞ն պետք է լինի առաջին սեքսը :)
    

Ինչպիսի՞ն պետք է լինի առաջին սեքսը:)

Զբաղվե՞լ, թե՞ չզբաղվել մինչամուսնական սեքսով. այս հարցի պատասխանը փնտրեք մեր համանուն հրապարակման մեջ, իսկ այսօր ներկայացնում ենք մասնագետների խորհուրդները, թե ինչ է պետք հաշվի առնել առաջին անգամ սեռական հարաբերություն ունենալիս:

11

Ինչպիսի՞ն պետք է լինի առաջին սեքսը:)

Պահպանե՛լ հիգիենա
    
     Բժիշկ-գինեկոլոգ Տաթեւիկ Ղորուխչյան. Նախքան ամուսնանալն ու ընտանեկան կյանք կառուցելը զույգին, ազգային մտածելակերպի առանձնահատկությունից ելնելով` առաջնահերթ տղաներին, խորհուրդ է տրվում պրոֆիլակտիկ հետազոտություն անցնել: Եթե կան խնդիրներ, ապա դրանք պետք է լուծել եւ նոր միայն մտածել ամուսնության մասին: Կույսերի դեպքում հետազոտությունների ցանկն այլ է: Աղջիկը պետք է պահպանի հիգիենայի նվազագույն կանոնները` ճիշտ լվացումներ կատարի, միջադիրների օգտագործումը սահմանափակի եւ հատկապես շոգ եղանակին, երբ բացասական ազդեցություն են թողնում, սթրինգ տեսակի ներքնազգեստի կրելը չչարաշահի, որը բակտերիաների փոխանցման տարբերակ է: Եթե կա խնդիր, օրինակ` արտադրության գույնի, հոտի, ձեւի փոփոխություն, պետք է դիմել մասնագետի:
    
     Առաջին սեքսը պետք է լինի մաքուր պայմաններում
    

     Անհրաժեշտ է, որ առաջին հարաբերությունը լինի մաքուր պայմաններում: Խուսափեք կասկածելի հյուրանոցներում կամ դրսում սեռական առաջին ակտից: Իսկ դրանից առաջ պետք է լվացումներ անել:

11

Ինչպիսի՞ն պետք է լինի առաջին սեքսը:)


     Սպասումները կարող են չարդարացվել
    
     Երկու սեռի կողմից պետք է լինի նախատրամադրվածություն եւ սեր: Կարեւոր է տղամարդու ինքնավստահությունը, քանի որ աղջիկներն առավել վախկոտ են, չգիտեն, թե սեքսն ինչ է իրենից ներկայացնում, եւ սպասումները կարող են չարդարացվել: Աղջիկները գուցե ակնկալեն ռոմանտիկ ընթացք, բայց արդյունքում դա վերածվի ցավի եւ հիասթափության: Երբ տղամարդը համարձակ է, նուրբ զուգընկերուհին իրեն ավելի հանգիստ է զգում:
    
     Ախ, այդ կուսաթաղանթը:)
    
     Կուսաթաղանթն իրենից ներկայացնում է լորձաթաղանթի շերտեր: Մինչեւ սեռական կյանքով ապրելն այն որոշ չափով փակում է հեշտոցամուտքը, իսկ պատռվում է հիմնականում առաջին հարաբերության ժամանակ: Դրա ձեւն ու դիրքն անհատական է: Կուսաթաղանթի պատռումը զուգորդվում է արյան հետքերով եւ ցավի զգացողությամբ: Արյան քանակը հարաբերական է` կախված տղայի ֆիզիոլոգիական առանձնահատկությունից եւ աղջկա գրգռվածության աստիճանից, որովհետեւ որքան շատ է գրգռված աղջիկն, այնքան արյան մատակարարումը սեռական օրգաններ շատանում է: Դեր ունի նաեւ հոգեբանական նախատրամադրվածությունը եւ այլն:
    

11

Ինչպիսի՞ն պետք է լինի առաջին սեքսը:)


     Ո՞ր դեպքում դիմել բժշկի

    
     Եթե մեկ-երկու անգամ չի ստացվում լիարժեք հարաբերություն ունենալ, ապա խորհուրդ կտամ դիմել բժշկի, որովհետեւ լինում են դեպքեր, երբ կուսաթաղանթը կարծր է: Հանդիպում են հեշտոցի անոմալիաներ, օրինակ, միջնապատի առկայություն, որոնց ժամանակ եւս անհրաժեշտ է մասնագետի խորհուրդ:
    
     Առաջին սեքսը` սիրով

    
     Բժիշկ-սեքսոլոգ Նարինե Ներսիսյան. Ցանկալի է սեքսով զբաղվել միայն փոխադարձ սիրո դեպքում: Առաջին հարաբերությունը մեծ հետք է թողնում աղջկա սեռական կյանքի եւ հոգեբանության վրա, ուստի, պետք է լինի իր կամքով եւ այն մարդու հետ, ում հանդեպ զգացմունք ունի: Տղաների դեպքում առաջին սեքսին մեծ նշանակություն այդքան էլ չի տրվում:
    
     Սեռական կյանքով ապրելու որոշում կայացնելը պետք է լինի ազատ կամքի դրսեւորում, զգացմունքներ, գիտակցված ցանկություն եւ պատասխանատվության զգացում: Երբ մերձեցումը լինում է ոչ կնոջ կամքով կամ զուգընկերոջը չկորցնելու վախից, տհաճություն է առաջանում, ցավ եւ խոր հիասթափություն սեռական կյանքի նկատմամբ:
    

11

Ինչպիսի՞ն պետք է լինի առաջին սեքսը:)


     Համբերություն, միայն համբերություն:)

    
     Կարեւոր է չշտապել առաջին սեքսի ժամանակ: Տղամարդը պետք է հնարավորինս երկարաձգի ներթափանցման պահը: Նախերգանքի փուլը որքան երկար տեւի, այնքան, այսպես ասած, ցավը կմեղմանա. երբ ցանկությունը մեծ է, աղջկա օրգանիզմն էլ է պատրաստվում` թուլանում է, բացվում, խոնավանում:
    
     Սեքսից հղիանում են:)
    

     Եթե զույգը սեռական հարաբերության ժամանակ զգույշ չէ, չի պաշտպանվում, ապա հղիանալու հավանականությունը մեծ է:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
1
Չհավանել
0
8030 | 0 | 0
Facebook