Խնդրում ենք սպասել...
COMMENT.am
Այսօր`  չորեքշաբթի, 26 սեպտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

Եռօրյա ֆուտբոլային տոն՝ նվիրված Երևանի հիմնադրման 2800-ամյակին

18:17, ուրբաթ, 06 հուլիսի, 2018 թ.
Եռօրյա ֆուտբոլային տոն՝ նվիրված Երևանի հիմնադրման 2800-ամյակին

Ֆուտբոլի աշխարհի առաջնության յուրօրինակ մթնոլորտով հուլիսի 6-8-ը համակված կլինի նաև Երևանը: Այս համատեքստում Երևան ժամանած համաշխարհային ֆուտբոլի մի շարք վառ անհատականություններ, ինչպիսիք են ֆուտբոլային գերաստղեր Ռոբերտո Կարլոսը, Ռիվալդոն, Կաֆուն, Գաբրիել Բատիստուտան, Լուիշ Ֆիգուն, Յուրի Ջորկաեֆը, Պաոլո Մալդինին և լեգենդար այլ ֆուտբոլիստներ, մայիսի 8-ին՝ ժամը 20-ին Վազգեն Սարգսյանի անվան հանրապետական մարզադաշտում ընկերական հանդիպում կանցկացնեն Լատինական Ամերիկայի և Եվրոպայի խորհրդանշական հավաքականների միջև:

Իսկ մինչ այդ՝ 3 օր շարունակ Ազատության հրապարակում երկրպագուների համար կազմակերպված հարթակում կամ, այսպես կոչված. «ֆան գոտում» բոլոր ցանկացողները կարող են մասնակցել ֆուտբոլային մրցույթների, վարպետության դասերի, մրցույթների ու համերգային ծրագրերի: Ընդ որում, դրանցից մի քանիսին կմասնակցեն նաև վերոնշյալ գերաստղերն ու հռչակավոր ֆուտբոլիստները: «Gold's Gym Armenia» ընկերության նախաձեռնությամբ և «Creative pr group» ընկերության կողմից կազմակերպվող ֆուտբոլային յուրօրինակ այս տոնախմբությունը նվիրվում է Երևանի հիմնադրման 2800-ամյակին, ինչպես նաև «Gold's Gym Armenia» ընկերության գործունեության 10-ամյակին:
     Ֆուտբոլային եռօրյա շոուի առաջին օրը՝ հուլիսի 6-ին, Ուրուգվայ-Ֆրանսիա հանդիպումից հետո Ազատության հրապարակում ելույթ կունենա ռուս հայտնի երգչուհի Վերա Բրեժնևան: Ի դեպ, աշխարհի առաջնության նշված 3 օրերին կայանալիք ֆուտբոլային որոշ հանդիպումներ, հենց Ազատության հրապարակում, ուղիղ հեռարձակմանը զուգահեռ կլուսաբանվեն ռուս հայտնի ֆուտբոլային մեկնաբանների կողմից:
     Հիշեցնենք, որ հունիսի 14-ից մեկնարկած Ֆուտբոլի աշխարհի առաջնության հանդիպումները, Երևանի քաղաքապետարանի նախաձեռնությամբ վերահեռարձակվում են նաև մայրաքաղաքի Կարապի լճում տեղադրված մեծ էկրաններից՝ հնարավորություն ընձեռելով երևանցիներին ու մայրաքաղաքի հյուրերին հետևելու դրանց:

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
505 | 0 | 0
Facebook
Մամուլի խոսնակ