Դարեր շարունակ մարդիկ իրար ծաղիկներ են նվիրել՝ ի նշան սիրո, շնորհակալության, նվիրվածության կամ ուղղակի՝ հենց այնպես:
Ժամանակի ընթացքում ամեն ծաղիկ ձեռք է բերել ունիկալ նշանակություն: Մեր հոդվածաշարում մենք կօգնենք Ձեզ ընտրել ծաղիկներ, որոնք համապատասխանում են Ձեր էմոցիաներին ու նպատակներին:
Ինչպե՞ս է առաջացել ծաղիկների լեզուն
Սելամը՝ ծաղիկների լեզուն, առաջացել է Արևելքում: Մուսուլման կանայք՝ զրկված լինելով սեփական զգացմունքներն ազատ արտահայտելու իրավունքից, որոշեցին ստեղծել իրենց սեփական աշխարը:
Այդ աշխարհը լի էր ծաղիկներով ու անուշահոտությամբ: Նրանք իրենց եզակի ասոցացիաներին վերագրեցին խոր իմաստ, ու այն՝ փոխանցվելով սերնդեսերունդ, հաստատվեց հասարակության գիտակցության մեջ:
Ինչպե՞ս ծաղիկների լեզուն մուտք գործեց Եվրոպա
Եվրոպայում ծաղիկների լեզուն հանրահայտ դարձավ 18-րդ դարի առաջին կեսում՝ Օբրի դե լյա Մոտտրեյի ու Մերի Ուորտլիի շնորհիվ:
Վիկտորիանական դարաշրջանում երիտասարդ տղաները՝ ի նշան անկեղծ սիրահարվածության յասաման էին նվիրում, իսկ հպարտ աղջիկները զարդարում էին իրենց հորտենզիայով՝ պատասխանելով սառնությամբ ու անտարբերությամբ:
Ծաղիկների լեզուն – Ծաղկային էթիկետ
Կա իդեալական ծաղկեփունջ ստանալու մի քանի օրենք, սակայն ծաղիկների գունային գամման ընտրելուց պետք է հաշվի առնել, թե ինչ իրադարձության համար են դրանք նախատեսված:
Պաշտոնական միջոցառումներին առավել համապատասխան են զուսպ գունավորմամբ ծաղիկները, ոչ պաշտոնականներին՝ ցանկացած նախընտրելի երանգ: Կարևոր է հիշել, որ նուրբ երանգներն արտահայտում են նվիրողի նրբությունն, իսկ վառ երանգներւ՝ կիրքը:
Ծաղիկների լեզուն – Ծաղկային էթիկետ 2
Ճիշտ գունավորման ու նշանակության ծաղկեփունջ ընտրելուց հետո անհրաժեշտ է նաև ուշադիր լինել այն հասցեատիրոջը հանձնելուց: Ծաղկեփունջը հանձնում են ձախ ձեռքով, կոկոնները վեր՝ թողնելով աջ ձեռքը ողջույնի համար:
Տոների ժամանակ անհրաժեշտ է նախ սպասել խառնաշփոթի ավարտին, հանձնել ծաղկեփունջը, ապա՝ նվերը:
Ֆլորիստիկա–Երազանքների մասնագիտություն
Մարդիկ սկսել են ծաղիկներով զարդարել իրենքց տները դեռևս մ.թ.ա. 5-րդ դարում: Ու հետագայում իհարկե գտնվեցին մարդիկ, ովքեր մասնագիտացան այդ գործում:
Ֆլորիստները դիզայներներ են, ովքեր հասկանում են ծաղիկների լեզուն, իսկ լավ ֆլորիստը նաև լավ հոգեբան է: Լիովին ընկալելով միջոցառման էմոցիոնալ տիրույթի նրբությունները, ֆլորիսը կարող է ստեղծել իրապես հեքիաթային մթնոլորտ:
Ֆլորիստիկան Հայաստանում
Ձեզ հետ միասին կծանոթանանք ծաղիկների հետաքրքրաշարժ լեզվին, իսկ այդ ընթացքում Մոն Ամիիբարձրակարգ ֆլորիստները կօգնեն Ձեզ ստեղծել իդեալական ծաղկեփունջ՝ Ձեր կյանքի ամենակարևոր իրադարձությունների համար: