Մասնագիտական կրթության որակի ապահովման ազգային կենտրոնն (ՈԱԱԿ) արտաքին գնահատում է իրականացնում Ուկրաինայի Չեռնովցի ազգային համալսարանում: Դիտարկվում են երկու մասնագիտության կրթական ծրագրեր (ՄԿԾ) ՝ «Կիրառական մաթեմատիկա» և «Անգլերեն լեզու և գրականություն»:
Արտաքին գնահատում իրականացնող փորձագիտական խմբում որպես միջազգային փորձագետներ ընդգրկված են ՈԱԱԿ-ի տնօրեն Ռուբեն Թոփչյանը և ԵՊԼՀ Անգլերենի հաղորդակցման և թարգմանության ամբիոնի վարիչ Քրիստինե Սողիկյանը. նրանք Կենտրոնական և Արևելյան Եվրոպայի բարձրագույն կրթության որակի ապահովման գործակալությունների ցանցի (CEENQA) փորձագետներ են: Խմբի մյուս անդամներն ուկրաինացի փորձագետներ և ուսանող-փորձագետներ են: Կրթական ծրագրերի արտաքին գնահատման գործընթացը համակարգում է ՈԱԱԿ Ինստիտուցիոնալ և ծրագրային հավատարմագրման բաժնի ավագ մասնագետ Վարդուհի Գյուլազյանը:
Գործընթացի արդյունքում փորձագիտական խումբը կմատնանշի դիտարկվող ծրագրերի ուժեղ և թույլ կողմերը, բուհին այդ ՄԿԾ-ների բարելավման ուղղությամբ խորհրդատվություն կմատուցի:
ՄԿԾ-ների արտաքին գնահատումն իրականացվում է ԵՄ Erasmus+ ծրագրի աջակցությամբ իրականացվող QUAERE (Որակի ապահովման համակարգի մշակում Ուկրաինայում) նախագծի շրջանակներում:
