Խնդրում ենք սպասել...

Հոդվածներ

Ուզու՞մ ես ճանաչել ինձ. Բարի գալուստ իմ աշխարհ

Անկախ լրատվական
Մամուլի խոսնակ`
Անկախ լրատվական
00:28, երկուշաբթի, 28 մայիսի, 2018 թ.
Ուզու՞մ ես ճանաչել ինձ. Բարի գալուստ իմ աշխարհ

Ուզու՞մ ես ճանաչել ինձ. Բարի գալուստ իմ աշխարհ


    

Ողջու՛յն, ես Անուշն եմ, իմ աշխարհում ինձ Ան են ասում, իմ աշխարհը բաղկացած է սեր շնչող մարդկանցից, այդ աշխարհը բաց է նաև քեզ համար, եթե դու անտարբեր չես քո շրջապատի նկատմամբ:

Ես կա՛մ պիտի գժվելու աստիճան սիրեմ իմ շրջապատը, կա՛մ չլինեմ այդ շրջապատում. Երրորդ տարբերակ ինձ համար չկա:

Չեմ կարողանում լեզու գտնել շինծու մարդկանց հետ:

Չեմ հասկանում, չեմ ուզում հասկանալ և ատում եմ դավաճաններին:

Ահավոր տաքարյուն եմ, կռվարար, բայց ծայրահեղ խղճով, հա ու մի բան էլ՝ եթե տեսնեմ կնոջ վրա ձեռք բարձրացնող տղամարդու՝ գանգը կգամեմ, լրիվ լուրջ եմ ասում:

Աշխատանքում բծախնդիր եմ, ինքնաքննադատ:

Նպատակասլաց եմ, եթե մի բան մտքիս դրեցի՝ իմն է:

Ի դեպ, իմն է ասացի հիշեցի, եթե մեկը փորձի քույրերիս ու տղայիս նեղացնել՝ վիճակը մեղմ ասած նախանձելի չի լինի:

Քանի խոսք գնաց քույրերից ասեմ՝ իմ աշխարհի, իմ կյանքի թագուհիներն են ու կյանքիս հաճելի պարտքն է նրանց դարձնել իրական թագուհիներ:

Պաշտում եմ ընտանիքս, այն ինձ համար ոչ միայն ընդհանուր տանիք է, այլ խաղաղության, երջանկության, ինքնաճանաչման, սեր ապրելու և սեր շնչելու դարան:

Կյանքում տեսածս միակ իդեալը հայրս է՝ սիրող, նվիրված, աշխատող, քարից հաց քամող, հայրս նաև մայր է եղել ինձ համար:


    

Սիրում եմ շատ փող ունենալ, որ գնեմ այն ինչ ուզում եմ, բայց փողի գերի չեմ և չեմ լինի՝ հաստատ:

Հաստատների շարքից չեմ լինի նաև՝ մեջքից հարվածող, լավություն ուրացող:

Սերն ինձ համար անվերջ բացատրվող զգացմունք է ու այն լիարժեք չէ, եթե օրինակ քո սիրած էակի հետ ես, բայց ոչ քո սիրած երկրում: Սիրո մեջ ես ծայրահեղական եմ: Իմ կարծիքով ավելի լավ է միակողմանի սերը, քան փոխադարձ, բայց արգելված:

Իմ աշխարհում ամեն վայրկյանն ու միկրովայրկյանը Աստծո աչքի ներքո է: Ինձ համար Աստված վերացական հասկացություն չէ և ես չեմ փորձում հավատացյալ երևալ միայն եկեղեցու կողքից անցնելիս խաչակնքելով: Ես հավատում եմ, որ Աստված տեսնում է իմ ամեն մի քայլը և քննում՝ սիրտը:

Երջանկությունն ինձ համար իմ որդին է, նրա հետ իմ աշխարհի ներկապնակը վառ է և գունեղ: Նրա հետ ես ինձ կատարյալ եմ զգում, օրհնված, սիրառատ:

Ահա՛ իմ աշխարհը, ՀԱՄԵՑԻ՛Ր

Աղբյուրը` Mamul.am
Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
3996 | 0 | 0
Facebook