Խնդրում ենք սպասել...

Հոդվածներ

ԴՊՐՈՑԻ ՆԱԽԿԻՆ ՏՆՕՐԵՆԸ ԽՆԴՐԱՆՔՈՎ ԴԻՄՈՒՄ Է ԿԳ ՆԱԽԱՐԱՐԻՆ

ՄԱՆԳԱՍԱՐ TV
Մամուլի խոսնակ`
ՄԱՆԳԱՍԱՐ TV
23:26, երեքշաբթի, 15 մայիսի, 2018 թ.
ԴՊՐՈՑԻ ՆԱԽԿԻՆ ՏՆՕՐԵՆԸ ԽՆԴՐԱՆՔՈՎ ԴԻՄՈՒՄ Է ԿԳ ՆԱԽԱՐԱՐԻՆ

Բազմիցս գրվել է, որ շատ դպրոցներում տնօրենների մրցույթները ամիսներով, անգամ տարիներով անհիմն պատճառներով չեն կայանում: Կոտայքի մարզի Աբովյան քաղաքի թիվ 4 ավագ դպրոցի նախկին տնօրեն Ն. Քեշիշյանը մինչ օրս պայքարում է անարդարության դեմ: Ըստ նրա՝ այդ դպրոցում առանց մրցույթը կայանալու տնօրեն են նշանակել. «2016 թվականի հոկտեմբերի 25-ին Կոտայքի մարզի Աբովյան քաղաքի թիվ 4 ավագ դպրոցում դասադուլ հայտարարվեց, պատճառը տնօրենի ժամանակավոր պաշտոնակատարն էր: Նույն օրը լրացավ իմ աշխատանքային պայմանագրի ժամկետը, եւ հենց նույն օրն էլ դպրոցի նոր ժ/պ է նշանակվում Լիլիա Սառաջյանը: Դպրոցի 37 ուսուցիչներ գործադուլին վերաբերող գրություն ուղարկեցին կրթության նախարարություն, որ չեն ուզում աշխատել Լիլա Սառաջյանի հետ եւ կանցնեն անժամկետ գործադուլի մինչեւ հարցի վերջնական լուծումը: Հույս ունենալով որ, կլինի արդար ընտրություններ, խնդրեցի կոլեկտիվին դադարեցնել դասադուլը և գործադուլը», - մեզ հետ զրույցում ասաց Նորիկ Քեշիշյանը:

Ըստ նախկին տնօրենի՝ դպրոցի տնօրենի թափուր տեղի մրցույթը չի կայանում կրթության նախարարության ներկայացուցչի բացակայություն պատճառով, եւ առանց մրցույթ կայանալու ԿԳ նախարարը տնօրենն է նշանակում: Դպրոցի նախկին տնօրենը խնդրանքով դիմում է նորանշանակ ԿԳ նախարար Արայիկ Հարությունյանին՝ բարձրացնելով հետեւյալ հարցերը:

  1. ՀՀ ԿԳ նախարարը, գտնվելով արձակուրդում, ինչպե՞ս կարող էր ստորագրել Լիլյա Սառաջյանին Աբովյանի թիվ 4 ավագ դպրոցի տնօրեն նշանակելու մասին 22. 03. 2017թ N100-Ա1 որոշումը:

2.Ինչ հանգամանքներ հաշվի առնելով ՀՀ ԿԳ նախարարը երկու հավակնորդներից ընտրել և նշանակել է Լիլյա Սառաջյանին։

3.Ես խնդրել էի ՀՀ ԿԳ նախարարին անցկացնել ծառայողական քննություն՝ պարզելու ՀՀ ԿԳ նախարարության և Աբովյան քաղաքի թիվ 4 ավագ դպրոցի պաշտոնական կայքերից հայտարարությունների ջնջման և խորհրդավոր անհետացման, հետո նաև նախարարության կայքում ընդամենը քսան րոպեով տեղակայվելու վերաբերյալ և պատժելու համակարգչային կեղծիքներ կատարողներին։


    

Ինչո՞ւ անտեսվեց իմ խնդրանքը։ Չէ՞ որ այդ պատճառով էլ չկայացան 2016 թ. դեկտեմբերի 26-ին և 29-ին հայտարարված մրցույթները, որոնք էլ պատճառ հանդիսացան նոր մրցույթի անցկացմանը։

4.Ինչո՞ւ 2017 թ. մարտի 7-ին հայտարարված մրցույթում չներկայացավ նախարարության ներկայացուցիչը։ Մի՞թե նրան մի այլ ներկայացուցչով չէին կարող փոխարինել:

5.Ինչո՞ւ 2017թ.-ի մարտի 15-ին մրցույթին չմասնակցեցին ՀՀ ԿԳ նախարարության կողմից նշանակված դպրոցի կառավարման խորհրդի չորս անդամները, /որոնցից երեքը ՀՅԴ/, որը պատճառ դարձավ քվորում չլինելու հանգամանքներում խորհրդի նիստի հետաձգմանը:

6.Ինչպե՞ս կարելի է ՀՀ ԿԳ նախարարության մեղքով հետաձգված և տապալված չորս մրցույթներից հետո ղեկավարվելով ՀՀ կառավարության թիվ 319-Ն «Պետական հանրակրթական ուսումնական հաստատության տնօրենի ընտրության/ նշանակման/ կարգը հաստատելու մասին» որոշման 28.1 կետի դրույթների համաձայն՝ առանց մրցույթի ընտրել և նշանակել տնօրեն:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
4188 | 0 | 0
Facebook