Մայրաքաղաքում շարունակվում են կանաչապատման լայնածավալ աշխատանքները: Երևանի այգիները, պուրակները, մայթերի հարակից ծաղկային տարածքները զարդարող վարդակակաչներն արդեն ավարտել են աճի շրջանը, և այժմ արդեն ջերմոցային ծաղկասածիլները նախապատրաստվում են մայրաքաղաք տեղափոխվելուն: Մայիսի 10-ից սկսած ավելի քան 1 միլիոն 100 հազար ծաղիկ կտնկվի ինչպես վարդակակաչների տեղերում, այնպես էլ նոր վայրերում: Միաժամանակ մայրաքաղաքում ընթանում են խոտհունձի, ծառերի կրապատման և այլ աշխատանքներ:
Հիշեցնենք, որ այս տարի մայրաքաղաքի ծաղկապատումն իրականացվելու է համաձայն Երևանի 2800-ամյակի տոնական միջոցառումների ձևավորման ծրագրի:
Նշենք, որ բոլոր աշխատանքները վերահսկվում են Երևանի քաղաքապետարանի բնապահպանության վարչության աշխատակիցների և ոլորտի մասնագետների կողմից: