Խնդրում ենք սպասել...
Այսօր`  երկուշաբթի, 23 ապրիլի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

Բանակում ծառայելը ոչ թե պարտք է, այլ պատիվ

Հայորդի ամսաթերթ
Մամուլի խոսնակ`
Հայորդի ամսաթերթ
13:56, շաբաթ, 14 ապրիլի, 2018 թ.
Բանակում ծառայելը ոչ թե պարտք է, այլ պատիվ
    
    
Բուրաստան համայնքի «Մեր հարազատ բանակը» խորագրով միջոցառումը, որի հիմքում ընկած էր «Ժողովուրդ-բանակ» կարգախոսը, հատկանշական էր նրանով, որ անցկացվեց բանակից նոր վերադարձած Անդրանիկ Պետրոսյանի, Ռաֆայել Հովսեփյանի, Կարլեն Խաչատրյանի, ինչպես նաեւ` ամառային զորակոչով բանակ մեկնող Շամխոր Միքայելյանի, Մարտին Ենոքյանի կողմից:
Բուրաստանցի տղաները գրադարանավար Սիլվա Մանուկյանի, մշակույթի և սպորտի պատասխանատու Մարիամ Միրզոյանի հետ բեմում ստեղծել էին մարտական տեսարան: Հնչում էին «կրակոցներ»: Զինվորները պատշտպանում են բոլոր հենակետերը, այդ թվում` պատմական 116-րդը. նրանք ետ են շպրտում թշնամու գիշերային դավադիր հարձակումը՝ կրկնելով Արմենակ Ուրֆանյանի, Քյարամ Սլոյանի, Անդրանիկ Զոհրապյանի հայտնի պատգամը: Ծնողներով, զինղեկներով, ուսուցիչներով, լրագրողներով լեփ-լեցուն դահլիճը հոտնկայս ծափահարում է զինվորներին: Հնչում են ռազմահայրենասիրական երգեր:
Միջոցառումը շարունակվում է, տղաների ծառայության ժամկետը լրանում է: Բեմում զինվորական համազգեստներով ու ուսումնական հրացաններով զինվորները հանձնում են հերթափոխը նորակոչիկներին՝ ասելով. «Սուրբ հողը պաշտպանելու պատիվն այժմ ձերն է»:
Համայնքապետ Աշոտ Թարվերդյանը մեկ անգամ ևս շնորհավորում է Հայոց Բանակի զինվորներին` արժանապատվորեն ծառայելու, Հայաստանի և իրենց համայնքի պատիվը բարձր պահելու համար. բանակում ծառայելը ոչ թե պարտք է, այլ պատիվ: Համայնքապետը քսանից ավելի զինվորների հանձնեց դրամական պարգևներ` նշելով, որ առաջիկայում ֆնանսական աջակցություն կստանան նաև սոցիալապես անապահով սերժանտների ընտանիքները: Գյուղապետը հպարտությամբ նշեց, որ համայնքի տասը երիտասարդներ այժմ սովորում են բարձրագույն ռազմական ուսումնական հաստատություններում: Նա շնորհակալություն հայտնեց զինվորներին, գրադարանավար Սիլվա Մանուկյանին, Մարիամ Միրզոյանին բովանդակալից միջոցառման համար:
    
    
Քրիստինե ԽԱՉԱՏՐՅԱՆ
    
    
«Հայորդի» երիտասարդական, հոգևոր, մշակութային ամսաթերթ. ԹԻՎ 2 Փետրվար, 2018Թ
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
232 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ