Խնդրում ենք սպասել...
Այսօր`  կիրակի, 22 հուլիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

Հովանավորում է համայնքի ղեկավարը

18:22, երեքշաբթի, 10 ապրիլի, 2018 թ.
Հովանավորում է համայնքի ղեկավարը
     Այս տարի առաջին անգամ Բյուրեղավանի մարզադպրոցի սան Մելինե Մամիկոնյանը կմասնակցի Եվրոպայի առաջնությանը: Ապրիլի 12-ից 16-ը Չեխիայի մայրաքաղաք Պրահայում տեղի կունենա սամբոյի Եվրոպայի պատանիների, երիտասարդների և աղջիկների առաջնություն, որտեղ Հայաստանի Հանրապետության սամբոյի ֆեդերացիան կներկայանա հավաքական թիմով: Սպորտին և առողջ ապրելակերպին մեծ տեղ տալով, աջակցելով լավ մարզավիճակում գտնվող պատանիներին, այս անգամ ևս մասնակցության ամբողջական ծախսերը հոգացել է համայնքի ղեկավար Հակոբ Բալասյանը: Եվրոպայի փոխչեմպիոն Աննա Մկրտչյանից հետո Մելինեն երկրորդն է մեր համայնքից, որ մասնակցելու է Եվրոպայի առաջնությանը: Մելինեն հանդես է գալիս 48 կգ քաշային կարգում, մարզիչն է Արփինե Սուքիասյանը: Մարզադպրոցի տնօրեն Նորիկ Տերտերյանը վստահեցրեց, որ Մելինեն պատրաստված է, ունի լավ հնարավորություններ հաղթանակի համար. «Մելինեի հետ մեծ հույսեր ենք կապում: Նա շատ լավ է տրամադրված: Հուսով ենք մեդալ կունենանք, քանի-որ առաջին անգամ է մասնակցում, կարծում եմ մեդալի գույնը կարևոր չէ: Մաղթում եմ Մելինեին հաջողություններ ու հաղթանակ»: Մելինեն այս տարի դարձավ Հայաստանի Հանրապետության չեմպիոն: Մարզիչները փաստում են՝ տարել է տպավորիչ գոտեմարտ և համոզիչ հաղթանակ:
    
    
    
     https://www.facebook.com/byureghavan.byureghavan
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
716 | 0 | 0
Facebook
Մամուլի խոսնակ