Խնդրում ենք սպասել...
Այսօր`  հինգշաբթի, 19 ապրիլի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

Վատիկանի պարտեզներում՝ Նարեկացու արձանի հանդիսավոր բացումը

Հայ NEWS
Հեղինակ`
Հայ NEWS
21:55, հինգշաբթի, 05 ապրիլի, 2018 թ.
Վատիկանի պարտեզներում՝ Նարեկացու արձանի հանդիսավոր բացումը
    
    
    
    
    
    
    
    
    
    
    
    
    
    
    
     Եւ արդ, քանզի յաւէտ յառաջնում զղջմանն

     Յուսահատութեանն բանիւ լքայ
     Եւ տարակուսանաց հեծանաւն ի մահ ձաղկեցայ,
     Աստանաւր ի յոսոյն կերպարան փոխեալ` յարգահատել համարձակեցայց`
     ԶԵրրորդութիւնն Սուրբ կարդալով յաւգնականութիւն ինձ` մեղաւորիս:
     Որ եւ անդստին իսկ յաւրհնաբանելն
     Եւ ի դաւանելն զկենդանարարն բնաւից Աստուած,
     Իսկոյն եւ կոչումն ընտանի ձայնի
     Ահաւորութեան անուան շնորհաձիրն բարերարի,
     Մահացելոյս է կենդանութիւն,
     Ըստ մարգարէին նախաճառութեան,
     Թէ` Որ կարդայ զանուն Տեառն, նա կեցցէ:
    
    
     ****
    
    
    
Եվ արդ, քանզի զղջման նախընթաց
գլուխներում
Հուսահատության խոսքերով լքվեցի
սաստիկ,
Եվ տարակուսանքի հեծանով մահու չափ ձաղկեցի ինքս ինձ,
Ուստի և այստեղ վերադառնալով հույսին վերստին`
Համարձակվեմ պիտի գո՜ւթ շարժել ես,
Սուրբ Երրորդությանը մեղավորիս
օգնության կանչելով:
Գիտեմ, որ եթե օրհնաբանեմ ես և
դավանեմ
Արարածներին բոլոր կյանք տվող
Աստծուն,
Եվ ընտանի ձայնով կանչեմ անունն
ահավոր շնորհապարգև Բարերարի,
Նա կենդանություն պիտի տա, անշուշտ ինձ` մեղավորիս,
Ըստ մարգարեի կանխասացության,
Թե` «Ով որ կանչի Տիրոջ անունը, նա
պիտի ապրիե:
    
    
    
    

Սուրբ Աթոռ կատարած պաշտոնական այցի շրջանակներում Նախագահ Սերժ Սարգսյանն այսօր Վատիկանում մասնակցել է «Տիեզերական եկեղեցու վարդապետ» հռչակված Աստվածաշնորհ Սուրբ Գրիգոր Նարեկացու արձանի բացման արարողությանը: Բացումը կատարել է Սուրբ Աթոռում Հայաստանի Հանրապետության արտակարգ և լիազոր դեսպան Միքայել Մինասյանը: Այս մասին հայտնում են ՀՀ նախագահի աշխատակազմի հասարակայնության ու տեղեկատվության միջոցների հետ կապերի վարչությունից:

Շուրջ երկու մետր բարձրությամբ բրոնզե արձանը ձուլվել է Չեխիայում, հեղինակը Հայաստանի ժողովրդական նկարիչ, քանդակագործ Դավիթ Երևանցին է, ճարտարապետը` Միքայել Հասրաթյանը: Այս նախաձեռնությունն իրականություն է դարձել Միքայել Մինասյանի և ռուսաստանաբնակ հայտնի գործարար Արթուր Ջանիբեկյանի բարերարությամբ ու Սուրբ Աթոռում ՀՀ դեսպանության մշակույթի բաժնի պատասխանատու Վարդան Կարապետյանի կազմակերպական ջանքերի շնորհիվ: Արձանը պատրաստված է երկու օրինակից. մեկը տեղադրվեց Վատիկանում, իսկ երկրորդը կտեղադրվի համայն հայության հոգևոր կենտրոն Էջմիածնում։

Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
636 | 0 | 0
|
Հավանե՛ք և բաժանորդագրվե՛ք
Facebook
ВКонтакте
Մամուլի խոսնակ
Քսակ > Կուտակիր՝ ծախսելով