Խնդրում ենք սպասել...

Հոդվածներ

«Աստծո ողորմածությամբ» արտահայտության ծագման մասին

22:19, չորեքշաբթի, 04 ապրիլի, 2018 թ.
«Աստծո ողորմածությամբ» արտահայտության ծագման մասին

Ինչպես դժվար չէ ենթադրել, այս արտահայտությունն աստվածաշնչական ծագում ունի, բայց ժամանակի ընթացքում որոշ փոփոխության է ենթարկվե: Փոփոխությունը վերաբերում է «ողորմածությամբ» եզրին:

Պողոս առաքյալ նամակներից կամ թղթերից մեկում հետևյալն է ասվում.

«Աստծո շնորհի չափով, որ ինձ տրված է, իմաստուն ճարտարապետի պես հիմք դրի, բայց ուրիշը շինում է, միայն թե ամեն մեկը նայի, թե ինչպես է շինում» (Ա թուղթ առ կորնթացիս, գլուխ 3, 10):

Այս նամակի լատինական տարբերակում ոչ թե «Աստծո շնորհի չափով» է ասվում, այլ` «Աստծո ողորմածությամբ» (» Dei gratia»):

552 թվականին լանգոբարդական պետության թագուհի Թեոդելինդան, ի նշանավորումն Թուրինի հերցոգ Ագիլուլֆի հետ իր ամուսնության, ներկայիս Միլան քաղաքի արվարձան հանդիսացող Մոնց քաղաքում մի տաճար է կառուցում ու տաճարի գանձատանը նվիրաբերում է ոսկեձույլ մի պսակ, որի վրա հետյալն էր փորագրված.

«Ագիլուլֆը, Աստծո ողորմածությամբ Իտալիայի թագավորը…»:

Շուտով բարձրագույն հոգևոր պետերն ու աշխարհիկ իշխանավորները, մասնավորապես եվրոպական պետությունների թագավորները, սկսում են պսակի վրա գրված այս արտահայտությունը նույնությամբ գործածել իրենց տիտղոսներում:

Հետագայում «Աստծո ողորմածությամբ» -ը գործածվում է նաև նկարիչների, բանաստեղծների, դերասանների ու երգիչների վերաբերյալ դրվատանքի խոսքեր ասելիս:

Առաջխաղացնել այս նյութը
Նյութը հրապարակվել է Մամուլի խոսնակի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
4204 | 0 | 0
Facebook