2018 թ. մարտի 16-ին Վանաձորի N 11 ավագ դպրոցի 11-րդ դասարանի բնագիտական հոսքի աշակերտները կենսաբանության ուսուցիչ Հերմինե Հովհաննիսյանի հետ կազմակերպել էին ուսումնական էքսկուրսիա դեպի քաղաք Երևան: Նպատակը. այցելել Երևանի «Կենդանաբանական թանգարան» , ԵՊԲՀ-ի անատոմիական լաբորատորիա և Սերգեյ Փարաջանովի տուն-թանգարան:
«Կենդանաբանական թանգարանում» աշակերտները ծանոթացան հայկական բնաշխարհի ֆաունայի բազմազանությանը, շրջեցին յուրաքանչյուր տեսակի առանձնահատկությունները նկարագրող ցուցափեղկերի կողքով և տեղեկություններ ստացան «Կարմիր գրքում» ընդգրկված կենդանիների մասին:
ԵՊԲՀ-ի անատոմիական ամբիոնում բնագիտական դասարանի աշակերտները արտահայտեցին իրենց հիացմունքը, տեսնելով մարդու օրգանները ֆորմալինի լուծույթի մեջ, որը հնարավորություն տվեց տեսական գիտելիքները համադրել գործնական գիտելիքների հետ: Օրն ամփոփվեց այցով Սերգեյ Փարաջանովի տուն – թանգարան, որտեղ աշակերտները հիացան նրա գեղագիտական նուրբ ճաշակով, կինոարվեստում ունեցած մեծ ներդրումով և մշակութային արժեք ներկայացնող ձեռքի աշխատանքներով:
Նման այցելությունները ուսումնական գործընթացը դարձնում են ավելի բազմաբովանդակ և ուսանելի, ինչը նպաստում է գիտելիքների համալրմանը և հիմնավորմանը: Աշակերտների մոտ զարգանում են բնագիտական բազում հմտություններ և կարողություններ, ինչպես նաև տրամաբանական մտածողություն: