2018 թվականի մարտի 15-ին Ակունքի միջնակարգ դպրոցում ևս կայացավ «Կենգուրու 2018» միջազգային մաթեմատիկական մրցույթը, որն այս տարի նշում էր իր տասնամյա հոբելյանը: Ակունքի միջնակարգ դպրոցի համար այն ևս հոբելյանական էր, քանի որ դպրոցը «Կենգուրու» միջազգային մաթեմատիկական մրցույթին մասնակցում է 2009 թվականից՝ արդեն տասներորդ անգամ: Մրցույթի պատասխանատու կազմակերպիչը՝ մաթեմատիկայի ուսուցչուհի Գայանե Սիմոնյանը նշեց, որ դպրոցի աշակերտները միշտ հաջողությամբ են հանդես եկել այդ մրցույթին, ունեցել ենք ինչպես լավագույն, այնպես էլ «Այբ» -ի կողմից սահմանված հատուկ (խրախուսական) մրցանակի արժանացած աշակերտներ:
