Խնդրում ենք սպասել...
Այսօր`  երկուշաբթի, 25 հունիսի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

«…վաճառում եմ արև»

13:28, չորեքշաբթի, 14 մարտի, 2018 թ.
«…վաճառում եմ արև»
    
    
    

Դեպի գետնանցում տանող սառը աստիճաններին մի մանչուկ է նստած:

Սկզբից թվաց թե փո՜ղ է հավաքում, բայց դիմացը ո՛չ արկղ կար, ո՛չ գլխարկ, ինչին որ սովոր ենք դարձել արդեն…

Մոտեցա:

- Վաճառում եմ արև, 100 և 150 դրամով, - ամաչկոտ ձայնով ասաց ու չի նայում աչքերիս:

- Ի՞նչ արև, ո՞ւր է - հարցս դուր չեկավ երևի:

Ցույց է տալիս նկարչական ալբոմից պոկված մի տրցակ, մանկական խզբզոցներով:

Բոլոր նկարներում արև է՝ մի տեսակ ո՛չ սովորական, կանաչ և դեղին գույներով, մանկական անվարժ ձեռքով նկարած:

- Ա՜յ, սրանք 100 դրամ են, - ցույց է տալիս դեղին արևով նկարները:

- Իսկ այ, սրանք, որտեղ կանաչ է արևը՝ 150 դրամ:

- Ի՞նչու ես վաճառում, - իմ հարցն էլ ինձ թվաց տարօրինակ, բայց առավել տարօրինակը պատասխանն էր:

- Բոլո՜րն են վաճառում, - և ավելացրեց, հա՛մ էլ օգնում եմ մայրիկիս:

- Իսկ ի՞նչու են տարբեր գների, նույն նկարներն են համարյա:

- Ա՜յ, այս կանաչ գույնի արևները ներկել եմ հարևան Արթուրիկի մատիտով, ես կանաչ գույնի մատիտ չունեմ, համ էլ կանաչը գարնան գույնն է, դրա համար էլ մի քիչ թանկ արժե:

- Իսկ դու վերցրու դեղին գույնը խառնիր կապույտի հետ ու կունենաս, կստացվի կանաչ, փորձիր ու տես:

- Դու պապիկ ջան երևի առևտրից ոչինչ չես հասկանում, եթե ես Իմ մատիտներով նկարեմ ստիված կլինեմ 100-ից ավել չվաճառել, արդար չի լինի և եթե բոլորը նույն գույնի լինեն ու նույն գնին, առնող չի լինի:

Հիմնականում գնում են կանաչ արևով նկարները:


    

Մոտեցան երկու ուսանողուհիներ, երկար նայեցին նկարները և ընտրելով կանաչ գույնի արևներով երկու նկար, ծիծաղելով հեռացան:

Տղայի հաղթական հայացքը ուղղվեց ինձ:

- Վերցնո՞ւմ եք:

- Լա՜վ, երևի ճի՛շտ ես, բայց ինձ տուր դեղին արևով, ա՜յ սա:

Նկարների տրցակի վրա դրեցի 150 դրամ ու փորձեցի հեռանալ նայելով նկարից ինձ աչքով անող դեղին տարօրինակ տեսք ունեցող արևին:

- Չէ՜, 100 պետք է տաք, ինձ ավելորդ պետք չէ:

Դողացող ափի մեջ մեկնել է 50 դրամանոցը,

- Մանրը վերցրե՛ք: Դուք ճիշտ ընտրություն կատարեցիք:

Շնորհակալություն:


    

Հեռանալիս լսեցի նրա ձայնը:

- Վաճառում եմ արև, գարնան գույնի և սովորական:


    
    
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1982 | 0 | 0
loading...
Facebook
Մամուլի խոսնակ