Խնդրում ենք սպասել...
COMMENT.am
Այսօր`  կիրակի, 23 սեպտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%

Հոդվածներ

Վերապրում են դպրոցում սումգայիթյան օրերը

16:32, հինգշաբթի, 01 մարտի, 2018 թ.
Վերապրում են դպրոցում սումգայիթյան օրերը
     «Սումգայիթի ցավի ականատեսը մեր շարքերում» խորագրով միջոցառում է կազմակերպվել Բյուրեղավանի Սամվել Վարդանյանի անվան ավագ դպրոցում: Դպրոցի ռուսաց լեզվի ուսուցչուհի Կարինե Մելքումյանն այն մարդկանցից է, ով արդեն 30 տարի վերապրում է սումգայիթյան ողբերգությունը: Մասնակցում էր ամբողջ դպրոցի ուսուցչական կոլեկտիվն ու աշակերտական կազմը: Տնօրեն Կարինե Խաչիկյանը աշակերտներին ներկայացրեց փետրվարի 28 օրվա խորհուրդը և Կարինե Մելքումյանի պատմությունը: Մեկ անգամ ևս նոր սերնդին հիշեցնելով, թե ինչպիսի վայրագության է ընդունակ թշնամին: Պատմության ուսուցիչ Անդրանիկ Գրիգորյանը խոսեց պատմական իրադարձությունների և փաստերի մասին, այն մասին, թե ինչպես Սումգայիթ քաղաքում ադրբեջանական իշխանությունները սկսեցին հայ բնակչության բնաջնջումը, որն ուղեկցվում էր հայերի ունեցվածքի թալանով և ոչնչացմամբ: ԽՍՀՄ ղեկավարության լուռ թողտվության պայմաններում երեք օրվա կոտորածների ընթացքում վիրավորվեցին և սպանվեցին, այրվեցին ու տանջամահ արվեցին բազմաթիվ մարդիկ, նրանց թվում՝ ուսուցչուհու մեծ ընտանիքի անդամները: Կարինե Մելքումյանն այս դպրոցում աշխատում է շուրջ 30 տարի: Նրա հույզերն այսօր կիսում են իր աշակերտները: Վերջիններիս կողմից հնչեցին տարբեր հարցեր այդ դաժան օրերի շուրջ, իսկ ավարտին 10-րդ դասարանի աշակերտուհի Լուսինեն մոտեցավ ու փարվեց ուսուցչուհուն ասելով. «Հիմա ես Ձեզ ավելի շատ սիրեցի…»
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
943 | 0 | 0
Facebook
Մամուլի խոսնակ