2018թ. փետրվարի 19-ին` Ամենայն հայոց բանաստեղծ Հովհաննես Թումանյանի ծննդյան օրը, Կապանի N13 դպրոցի Vա դասարանում անցկացվեց դաս-ցերեկույթ:
Դաս-ցերեկույթը կազմակերպել էր հայոց լեզվի և գրականության ուսուցչուհի` Անահիտ Արզումանյանը:
Աշակերտները ներկայացրեցին Հովհ. Թումանյանի կենսագրությունը, նրա ստեղծագործական ուղու մասին ուշագրավ դրվագներ, հանդես եկան գեղեցիկ բանաստեղծություններով, քառյակներով, ներկայացրեցին հատվածներ նրա պոեմներից, ինչպես նաև հնչեցրին նրա հայտնի ասույթները:
Ցերեկույթի ընթացքում սովորողների կողմից ներկայացվեցին թումանյանական թեմաներով «Ամպի տակից ջուր է գալիս…» , «Ախ ինչ լավ է սարի վրա…» երաժշտական ստեղծագործությունները:
Բեմադրվեց «Շունն ու կատուն» բալլադը: Աշակերտները Թումանյանին ճանաչեցին իբրև մանկագրի, քաղաքական գործչի, հոգատար ու սրտացավ հոր: Դասն ավարտվեց թումանյանական խոհերով, իմաստուն մտքերով ու խորհուրդ – խրատներով:
Թումանյանի մասին գրված ցանկացած բան միշտ էլ քիչ կթվա նրա կատարած գործին ի պատասխան շնորհակալություն հայտնելու համար: Մի թևավոր խոսք կա, - «Յուրաքանչյուր հայ Հ. Թումանյանի կենսագրությունը իր սեփականից լավ պետք է իմանա»:
ՄԿԱ գծով փոխտնօրեն Ժաննա Վարդանյան
