Խնդրում ենք սպասել...
COMMENT.am
Այսօր`  շաբաթ, 20 հոկտեմբերի, 2018 թ.
Ավանդների տոկոսադրույքը`  
Հայկական դրամ
14.00%
,
ԱՄՆ դոլլար
6.50%
,
Եվրոպական Եվրո
4.00%
,
Ռուսական ռուբլի
8.50%
ԱՐՑԱԽ.news ԼՐԱՏՎԱԿԱՆ

Հոդվածներ

Ռազմահայրենասիրական միջոցառում Հրազդանի N 7 միջնակարգ դպրոցում

00:09, հինգշաբթի, 01 փետրվարի, 2018 թ.
Ռազմահայրենասիրական միջոցառում Հրազդանի N 7 միջնակարգ դպրոցում
     Հայաստանի Հանրապետության անվտանգության ապահովման հիմնական երաշխավորը՝ ազգային բանակը, հունվարի 28-ին դարձավ 26 տարեկան:
     Այդ առիթով ռազմահայրենասիրական միջոցառում էր կազմակերպվել Կոտայքի մարզի Հրազդանի N 7 միջնակարգ դպրոցում: Այն աշակերտներին պատգամում էր անմնացորդ նվիրում հայրենիքին, անկոտրում մարտական կամք և հաղթական ոգի: Միջոցառումը սկսվեց Հայաստանի Հանրապետության օրհներգով, այնուհետև աշակերտները ներկայացրեցին Հայոց բանակի ստեղծման պատմությունը, արցախյան պատերազմի և քաջարի մարտիկների կյանքի հերոսական դրվագներ: Հնչեցին նաև հայրենասիրական բանաստեղծություններ: Աշակերտների ուժերով բեմադրվեցին բանակի առօրյան ներկայացնող դրվագներ, եղան պարային համարներ:
     Միջոցառման ավարտին փակման խոսքով ներկաներին դիմեց դպրոցի տնօրեն տիկին Հ. Ասատրյանը: Խորհրդանշական օրվա կապակցությամբ շնորհավորելով ներկաներին՝ տիկին Ասատրյանը մասնավորապես ասաց, որ պատմության ընթացքում հայրենիքի անվտանգության պահպանման հուսալի երաշխավորը եղել և մնում է Հայոց զինական ուժը, Հայ քաջարի մարտիկը:
     Դպրոցի տնօրենը հայրենիքի ապագա զինվորներին մաղթեց հաղթական ոգի՝ հորդորելով երբեք չմոռանալ նժդեհյան հետևյալ խոսքերը."Մի ժողովրդի հայրենի հողը չի կարող ուրիշի մնայուն հայրենիքը դառնալ: Բռնագրավված երկրամասերը միշտ էլ, վաղ թե ուշ, անցնում են իրենց պատմական տերերի ձեռքը՝ պայմանով, որ այդ վերջինի մեջ ժամանակը տկարացրած չլինի սերը, կարոտն ու պաշտամունքը դեպի հայրենի երկիրը":
Առաջխաղացնել այս նյութը
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Գրանցվի՛ր և հրապարակի՛ր քո հոդվածները:
Հավանել
0
Չհավանել
0
| | |
1103 | 0 | 0
Facebook
Մամուլի խոսնակ