Հոդվածներ

    
    
    

Ասացիր կապո՞ւյտ,

Կապույտից արդեն հոգնե՜լ եմ վաղուց…

    

Իրո՜ք հոգնեցրել է կապույտը արդեն-

Երազանքների գո՜ւյնն այդ խելքահան,

Նույնիսկ Լուսինը կապո՜ւյտ է հագել՝

Կապտացոլո՜ւմ է բոլորի համար:

    

Կապո՞ւյտ ասացիր,

Ե՜ս էլ շտապեցի…

    

Այրեցի բոլո՜ր զգեստներս կապույտ,

Հանեցի աչքե՜րս,

Ջնջեցի մի՜տքս,

Բնավորությո՜ւնս՝ կապույտի՜ց-կապո՜ւյտ,

Մա՜շկս հանեցի կապույտ ներծծված…

    

Սակայն հոգի՜ս առաջվա պե՜ս

Կապո՜ւյտ մնաց: